વડોદરા શહેરમાં સુરક્ષા અને ટ્રાફિક વ્યવસ્થાને વધુ સશક્ત બનાવવા માટે આધુનિક કમાન્ડ એન્ડ કન્ટ્રોલ સેન્ટરનું લોકાર્પણ કરવામાં આવ્યું છે. આ સેન્ટરનું ઉદ્ઘાટન હર્ષ સંઘવી દ્વારા કરવામાં આવ્યું હતું, જે સ્માર્ટ પોલીસિંગ તરફનું મહત્વપૂર્ણ પગલું માનવામાં આવી રહ્યું છે.
નેત્રમ 'City Level Command & Control Centre' નું ઉદ્ઘાટન 📍
પોલીસ ભવન, વડોદરા https://t.co/40TqjWcLlr
— Harsh Sanghavi (@sanghaviharsh) March 21, 2026
‘નેત્રમ પ્રોજેક્ટ’ હેઠળ આધુનિક સેન્ટર
આ સેન્ટર Gujarat Policeના સ્માર્ટ પોલીસિંગ અભિયાન અંતર્ગત ‘નેત્રમ પ્રોજેક્ટ’ હેઠળ તૈયાર કરવામાં આવ્યું છે. પોલીસ ભવનના સાતમા માળે બનાવાયેલા આ સિટી લેવલના કમાન્ડ સેન્ટરમાં અદ્યતન ટેક્નોલોજીનો ઉપયોગ કરવામાં આવ્યો છે.
નાયબ મુખ્યમંત્રી વડોદરાની મુલાકાત દરમિયાન સીધા પોલીસ ભવન પહોંચ્યા હતા, જ્યાં તેમને કે. એલ. એન. રાવ અને શહેર પોલીસ કમિશનર નરસિંહ કોમર દ્વારા આવકારવામાં આવ્યા હતા. આ દરમિયાન શહેર પોલીસની ટૂકડી દ્વારા ગાર્ડ ઓફ ઓનર પણ આપવામાં આવ્યું હતું.
સુરક્ષિત વડોદરા, સ્માર્ટ વડોદરા!
વડોદરા પોલીસ ભવન ખાતે 'નેત્રમ' સિટી લેવલ કમાન્ડ એન્ડ કંટ્રોલ સેન્ટરનું નાગરિકોની સુરક્ષા માટે અર્પણ કરવામાં આવ્યું.
આધુનિક ટેકનોલોજી અને સીસીટીવી સર્વેલન્સના સમન્વયથી આ સેન્ટર ગુનાખોરી ડામવા, ટ્રાફિક મેનેજમેન્ટ અને નાગરિકોની સુરક્ષા સુનિશ્ચિત… pic.twitter.com/QnuoXOLInN
— Harsh Sanghavi (@sanghaviharsh) March 21, 2026
આધુનિક ટેક્નોલોજીથી ક્રાઇમ ડિટેક્શન
કાર્યક્રમ દરમિયાન પોલીસ કમિશનરે રજૂઆત કરતા જણાવ્યું કે વડોદરા શહેર પોલીસ દ્વારા આધુનિક ટેક્નોલોજીનો ઉપયોગ કરીને ક્રાઇમ ડિટેક્શન, તહેવારો દરમિયાન બંદોબસ્ત અને સંસાધનોના અસરકારક મેનેજમેન્ટમાં સુધારો કરવામાં આવી રહ્યો છે.
CCTVથી શહેર પર સતત નજર
કમાન્ડ એન્ડ કન્ટ્રોલ સેન્ટરની મુલાકાત દરમિયાન નાયબ મુખ્યમંત્રીએ અહીંથી સમગ્ર શહેરમાં લગાવવામાં આવેલા CCTV કેમેરાઓ દ્વારા સુરક્ષા અને ટ્રાફિક પર કેવી રીતે નજર રાખવામાં આવે છે તેની વિગતવાર માહિતી મેળવી હતી.
તેમણે સૂચન કર્યું કે સુરક્ષા પ્રણાલીમાં આધુનિક ટેક્નોલોજીનો વધુમાં વધુ ઉપયોગ કરવો જોઈએ, જેથી નાગરિકોને વધુ સુરક્ષિત વાતાવરણ મળી શકે.
વિકાસ અને સુરક્ષા માટે મહત્વપૂર્ણ પહેલ
આ સેન્ટર વડોદરા શહેર માટે સુરક્ષા વ્યવસ્થાને વધુ મજબૂત બનાવશે અને સ્માર્ટ સિટી દિશામાં મહત્વપૂર્ણ યોગદાન આપશે. અંતે નાયબ મુખ્યમંત્રીએ વિઝિટ બુકમાં પોતાની નોંધ લખી અને શહેર પોલીસ કમિશનરને સુપરત કરી હતી.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
