સ્વચ્છતા સર્વેક્ષણ 2025માં સુરત શહેરે ફરી એકવાર દેશભરમાં પોતાનું ખાસ સ્થાન જાળવી રાખ્યું છે, ખાસ કરીને સોલિડ વેસ્ટ મેનેજમેન્ટ (ઘન કચરો વ્યવસ્થાપન) ક્ષેત્રમાં સમગ્ર દેશમાં પ્રથમ ક્રમ હાંસલ કરીને સુરતને વધુ એક પ્રતિષ્ઠિત માન મળ્યું છે. આ ઉપલબ્ધિની ઉજવણી માટે સુરતના મેયર દક્ષેશ માવાણી અને મનપા કમિશનર વિશેષ સમારોહમાં ભાગ લેવા માટે દિલ્હી પહોંચ્યા હતા, જ્યાં રાષ્ટ્રપતિ દ્રૌપદી મૂર્મુના હસ્તે એવોર્ડ એનાયત કરવામાં આવ્યા.
મેયર દક્ષેશ માવાણીએ પોતાનાં નિવેદનમાં જણાવ્યું કે, “સ્વચ્છતા સર્વેક્ષણ 2023માં 10 લાખથી વધુ વસ્તી ધરાવતા શહેરોની કેટેગરીમાં સુરતે પહેલો ક્રમ મેળવ્યો હતો, અને 2024માં પણ ‘સ્વચ્છ સુપર લીગ’ જેવી પ્રતિસ્પર્ધામાં સુરતે પોતાનું સ્થાન જાળવી રાખ્યું છે. આ સફળતા માત્ર સરકારી તંત્ર માટે નહીં પણ સમગ્ર સુરત શહેરના નાગરિકો માટે ગૌરવની વાત છે. હું તમામ સુરતીઓને હૃદયપૂર્વક અભિનંદન પાઠવુ છું, જેમણે સફાઈને લઈને ઉત્સાહપૂર્વક સહભાગીતા આપી છે.” તેમણે ખાસ કરીને મહાનગરપાલિકાના સફાઈ કર્મચારીઓનું પણ આભાર માન્યું, જેમના અવિરત પરિશ્રમ અને પ્રતિબદ્ધતાથી સુરત શહેર સ્વચ્છતામાં અગ્રેસર રહ્યું છે.
#WATCH | Delhi: Gujarat's Surat secured the second position in the Super Swachh League category. Ahmedabad emerged as India’s cleanest big city (population more than 10 lakh).
Gujarat Minister Rushikesh Patel received the award on behalf of the government.
President Droupadi… https://t.co/F2DzRwCiGr pic.twitter.com/OtV58Xxf3v
— ANI (@ANI) July 17, 2025
સુરત મહાનગરપાલિકાની અદ્યતન ટેક્નોલોજી, દિવસ-રાત કામ કરતું સફાઈ તંત્ર, ડોર-ટુ-ડોર કચરો સંગ્રહ સેવા, કચરાનું વિજ્ઞાનસૂત્રે વિભાજન અને સારવારની સુવિધાઓ, તેમજ નાગરિકોની જાગૃતિ અભિયાનો જેવા પ્રયાસો આજે રાષ્ટ્રીય સ્તરે પ્રશંસાના પાત્ર બન્યા છે. સુરતનો આ દેખાવ કેવળ એક એવોર્ડ નથી, પણ શહેરી વ્યવસ્થાપન અને નાગરિક સહભાગિતાનો જીવંત ઉદાહરણ છે.
શહેર ભાજપ પ્રમુખ પરેશભાઈ પટેલએ જણાવ્યું હતું કે નંબર 1 સુરત માટે શહેરીજનો, અમારા કર્મચારીઓ અને પદાધિકારીઓનો અમે આભાર માનીએ છીએ, ગયા વર્ષે પણ સ્વચ્છ સુરત જે સુપર લીગ છે જેમાં ત્રણ શહેરોનો સમાવેશ થાય છે સુરત, ઇન્દોર અને નવી મુંબઈ. મને જણાવતા આનંદ થાય છે કે ગયા વર્ષે તો સુરત અને ઇન્દોર વચ્ચે 1 નંબર માટે બે ભાગ પડ્યા હતા.આ પહેલી વખત ત્રણ સીટીને સાથે રાખીને સુપર સીટી લીગ જે ભારત સરકારે ડીકલેર કરી છે.
#WATCH | Delhi: Gujarat Minister Rushikesh Patel says, "…This time, Ahmedabad has got the first place (in the cleanest big city category), and along with it, Gandhinagar and Surat have also won the award. It should not be limited to only big cities or small towns, but this… https://t.co/cs2RoN0WBW pic.twitter.com/yQKgCGWZyh
— ANI (@ANI) July 17, 2025
આપણે ઇન્દોર કરતા પણ 60 જેટલા પોઈન્ટથી આગળ છીએ એટલે કે ત્રણ સીટીની અંદર પહેલો નંબર આપણો છે એટલા માટે સુરત શહેર અભિનંદનને પાત્ર છે અમે દરેક કર્મચારી અને શહેરીજનો દરેકનો આભાર માનીએ છીએ અને શહેરીજનોને વિનંતી કરીએ છીએ કે સુપર લીગમાં જે ત્રણ સિટી છે જેમાં સુરત હંમેશા પહેલા નંબર પર રહે એના માટે બનતા દરેક પ્રયન્ત આપ કરશો એવી આપ સૌ પાસે અમે અપેક્ષા રાખીએ છીએ.
