ધર્મસિંહ દેસાઈ યુનિવર્સિટીના મિકેનિકલ એન્જિનિયરિંગ વિભાગના સહાયક પ્રાધ્યાપક ડૉ. પ્રણવ આર. મહેતાએ આંતરરાષ્ટ્રીય સંશોધન ક્ષેત્રે વધુ એક ગૌરવપૂર્ણ સિદ્ધિ હાંસલ કરી છે. SciRank Global દ્વારા વર્ષ 2025 માટે જાહેર કરવામાં આવેલી વૈશ્વિક વૈજ્ઞાનિક રજિસ્ટ્રીમાં ડૉ. મહેતાનો વિશ્વના ટોચના 5 ટકા વૈજ્ઞાનિકોમાં સમાવેશ કરવામાં આવ્યો છે. આ આંતરરાષ્ટ્રીય માન્યતા ધર્મસિંહ દેસાઈ યુનિવર્સિટીની શૈક્ષણિક અને સંશોધન ક્ષેત્રની પ્રતિષ્ઠામાં નોંધપાત્ર વધારો કરનારી બની છે.
AD Scientific Index-2026 દ્વારા પણ ડૉ. મહેતાના સંશોધન કાર્યને વિશિષ્ટ માન્યતા આપવામાં આવી છે. આ ઇન્ડેક્સ અનુસાર તેઓ ધર્મસિંહ દેસાઈ યુનિવર્સિટીમાં એન્જિનિયરિંગ એન્ડ ટેકનોલોજી તેમજ મિકેનિકલ એન્જિનિયરિંગ ક્ષેત્રમાં પ્રથમ ક્રમે સ્થાન ધરાવે છે.
ડૉ. મહેતાની Google Scholar પ્રોફાઇલ મુજબ તેમના સંશોધન કાર્યને અત્યાર સુધીમાં 2,500થી વધુ Citation, 26 H-Index અને 43 i10-Index પ્રાપ્ત થયા છે. ઉપરાંત યુનિવર્સિટીના વિવિધ સંશોધન સૂચકાંકોમાં પણ તેઓ અગ્રણી સ્થાન ધરાવે છે, જે તેમની સતત સંશોધન પ્રવૃત્તિ, ઉચ્ચ ગુણવત્તાવાળા પ્રકાશનો અને વૈશ્વિક સંશોધન સહયોગનું પ્રતિબિંબ છે.
છેલ્લા સાત વર્ષ દરમિયાન ડૉ. મહેતાના 82થી વધુ સંશોધન લેખો આંતરરાષ્ટ્રીય જર્નલમાં પ્રકાશિત થયા છે, જેમાં 26 Q1 તથા 56 Q2 જર્નલનો સમાવેશ થાય છે. તેમનું સંશોધન મુખ્યત્વે સોલાર એનર્જી, સોલાર ડીસેલિનેશન, સસ્ટેનેબલ થર્મલ સિસ્ટમ્સ, મિકેનિકલ ડિઝાઇન ઓપ્ટિમાઇઝેશન તથા આર્ટિફિશિયલ ઇન્ટેલિજન્સ આધારિત એન્જિનિયરિંગ સંશોધન જેવા અદ્યતન વિષયો પર કેન્દ્રિત છે. તેમના સંશોધન કાર્ય દ્વારા એન્જિનિયરિંગ ક્ષેત્રે મહત્વપૂર્ણ અને અસરકારક યોગદાન પ્રાપ્ત થયું છે.
ડૉ. મહેતાની આ સિદ્ધિના પરિણામે ધર્મસિંહ દેસાઈ યુનિવર્સિટીની વૈશ્વિક શૈક્ષણિક ઓળખ વધુ મજબૂત બની છે. ડૉ. મહેતાએ ભવિષ્યમાં પણ ઉચ્ચ ગુણવત્તાવાળું સંશોધન, આંતરરાષ્ટ્રીય સહયોગ અને નવીનતાના ક્ષેત્રમાં વધુ યોગદાન આપવાની પ્રતિબદ્ધતા વ્યક્ત કરી છે.
આ પ્રસંગે યુનિવર્સિટીના કુલપતિ પદ્મશ્રી ડૉ. એચ. એમ. દેસાઈ, ડિરેક્ટર અંકુર દેસાઈ, રજિસ્ટ્રાર એમ. આર. ભાવસાર, ડીન પ્રો. (ડૉ.) વી. એ. શાહ તથા મિકેનિકલ એન્જિનિયરિંગ વિભાગના વડા ડૉ. આર. એમ. જોશીએ ડૉ. પ્રણવ આર. મહેતાને આ આંતરરાષ્ટ્રીય સિદ્ધિ બદલ અભિનંદન પાઠવતાં તેમના ભાવિ સંશોધન કાર્ય માટે શુભેચ્છાઓ વ્યક્ત કરી હતી.
રિપોર્ટર – યેશા શાહ (ખેડા)
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
