નર્મદા જિલ્લાના ખેડૂતો મા ખુશીની લહેર ફરી વળી ! જિલ્લા ભાજપ અધ્યક્ષ નીલકુમાર રાવે ખેડૂતોની માંગણી સાંભળીને માનનીય મુખ્યમંત્રી શ્રી ભૂપેન્દ્રભાઈ પટેલને એક પત્ર લખ્યો હતો, જેમાં તિલકવાડા અને ગરુડેશ્વર તાલુકાના ખેડૂતોની સિંચાઈની સમસ્યાને રજૂ કરવામાં આવી હતી. મુખ્યમંત્રી એ આ પત્રને ગંભીરતાથી લઈને તાત્કાલિક ધોરણે નર્મદા મુખ્ય કેનાલમાંથી વડીયા અને તિલકવાડા બ્રાન્ચ માટે સિંચાઈનું પાણી છોડવાનો આદેશ આપ્યો છે.
નર્મદા જિલ્લાના આ તાલુકાઓમાં લગભગ 2400 એકર જમીનમાં તલ, કપાસ, બાજરી, સુંઢિયો અને પશુઓના સૂકા ઘાસચારા સહિતના પાકોનું વાવેતર થયેલું છે. પરંતુ, કેનાલમાં પાણી બંધ હોવાને કારણે ખેડૂતોના પાક સુકાઈ જવાની ભીતિ હતી, જેનાથી આર્થિક નુકસાનનો ખતરો ઉભો થયો હતો. ખેડૂતોની આ ચિંતાને દૂર કરવા માટે મુખ્યમંત્રીએ પાણી પૂરું પાડવાનો નિર્ણય લીધો, જેથી ખેડૂતોના પાકને જીવનદાન મળે.
આ નિર્ણયથી ખેડૂતોના ચહેરા પર ખુશીનું સ્મિત ફરી વળ્યું છે. ખેડૂતો ઉત્સાહથી જણાવે છે કે, “અમારા ખેતરો માટે આ પાણી અમૃત સમાન છે. મુખ્યમંત્રી અને નીલકુમાર નો ખૂબ ખૂબ આભાર! હવે અમારો પાક બચશે અને અમારી આજીવિકા સુરક્ષિત રહેશે.”
જિલ્લા ભાજપ અધ્યક્ષ નીલકુમાર રાવે પણ મુખ્યમંત્રી ના આ ઝડપી નિર્ણયની પ્રશંસા કરી અને જણાવ્યું, “ખેડૂતોની સમસ્યા અમારા માટે પ્રાથમિકતા છે. મુખ્યમંત્રી ની સંવેદનશીલતા અને ખેડૂતો પ્રત્યેની પ્રતિબદ્ધતાને કારણે આજે આપણે ખેડૂતોના ચહેરા પર આનંદ જોઈ શકીએ છીએ.”
આ પગલાથી નર્મદા જિલ્લાના ખેડૂતોના ખેતરો ફરી લીલાંછમ થશે, તેમના પાકો બચશે અને આર્થિક સમૃદ્ધિ તરફ એક મજબૂત પગલું ભરાશે. ખેડૂતોના આ આનંદ અને ઉત્સાહનો શ્રેય મુખ્યમંત્રી ભૂપેન્દ્રભાઈ પટેલ અને નીલકુમાર રાવની ઝડપી કાર્યવાહીને જાય છે.
