તાપી જિલ્લાના સોનગઢમાં ગેરકાયદેસર લાકડાની હેરાફેરી અટકાવવાની કામગીરી દરમિયાન ગમખ્વાર અકસ્માત સર્જાયો હતો. અકસ્માતમાં રેન્જ ફોરેસ્ટ ઓફિસર (RFO) વિકાસ દેસાઈ અને સરજાલી ગામના રેહાન ગામીતનું ઘટનાસ્થળે જ કરૂણ મોત નીપજ્યું હતું.
પ્રાપ્ત માહિતી અનુસાર, સોનગઢ RTO ચેકપોસ્ટ નજીક વહેલી સવારે વન વિભાગની ટીમ લાકડું ભરેલી એક શંકાસ્પદ ગાડીનો પીછો કરી રહી હતી. આ દરમિયાન વન વિભાગની ટીમનું વાહન અકસ્માતનો ભોગ બન્યું હતું.
અકસ્મતમાં RFO વિકાસ દેસાઈ અને રેહાન ગામીતને ગંભીર ઈજાઓ પહોંચતાં બંનેનાં ઘટનાસ્થળે જ મોત થયાં હતાં. ગેરકાયદેસર લાકડાની તસ્કરી રોકવા માટે વન વિભાગ દ્વારા કાર્યવાહી કરવામાં આવી રહી હતી ત્યારે આ દુર્ઘટના સર્જાઈ હતી.
ઘટનાની જાણ થતાં પોલીસ, વન વિભાગ અને વહીવટી તંત્રના અધિકારીઓ ઘટનાસ્થળે પહોંચ્યા હતા. પોલીસે બંને મૃતદેહોને પોસ્ટમોર્ટમ માટે ખસેડી સમગ્ર મામલે ગુનો નોંધી વધુ તપાસ હાથ ધરી છે.
આ ઘટનાને પગલે વન વિભાગના અધિકારીઓ અને કર્મચારીઓમાં શોકની લાગણી ફેલાઈ છે. સોનગઢ સહિત સમગ્ર પંથકમાં પણ ભારે અરેરાટી વ્યાપી ગઈ છે.
રિપોર્ટર :- વિકાસ શાહ (તાપી )
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
