તાપી જિલ્લાના સોનગઢમાં સોશિયલ મીડિયા પર ધાર્મિક લાગણી દુભાવતી પોસ્ટ અને તેના પર કરવામાં આવેલી વળતી કોમેન્ટને પગલે વાતાવરણ ભારે તંગ બની ગયું છે. વિશ્વ હિન્દુ પરિષદ (VHP) દ્વારા આયોજિત નવરાત્રિ મહોત્સવની એક પોસ્ટ પર મુસ્લિમ સમુદાયના યુવક દ્વારા કરવામાં આવેલી વાંધાજનક ટિપ્પણીથી શરૂ થયેલો વિવાદ હવે ઘર સુધી આવી પહોંચ્યો છે.
નવરાત્રિ મહોત્સવની પોસ્ટ પર અભદ્ર ટિપ્પણીથી વિવાદનો પ્રારંભ
પ્રાપ્ત વિગતો અનુસાર, વિશ્વ હિન્દુ પરિષદ દ્વારા સોશિયલ મીડિયા પ્લેટફોર્મ પર નવરાત્રિ મહોત્સવ અંગેની એક ઉત્સવલક્ષી પોસ્ટ શેર કરવામાં આવી હતી. આ પોસ્ટના કમેન્ટ સેક્શનમાં એક વિધર્મી યુવકે નવરાત્રિ પંડાલને લઈને અત્યંત અભદ્ર અને આક્ષેપજનક ટિપ્પણી કરી હતી. હિન્દુ આસ્થાના પ્રતીક સમાન પર્વનું અપમાન થતાં સ્થાનિક લોકો અને સોશિયલ મીડિયા યુઝર્સમાં ભારે રોષ વ્યાપી ગયો હતો.
આ વિવાદિત કમેન્ટના વિરોધમાં સ્થાનિક યુવક ગૌરવ ચૌધરીએ સોશિયલ મીડિયા પર જ વળતો જવાબ આપ્યો હતો. ગૌરવ ચૌધરીના આ વળતા પ્રહાર બાદ સામે પક્ષે ઉશ્કેરાટ ફેલાયો હતો અને ડિજિટલ પ્લેટફોર્મ પર શરૂ થયેલો શાબ્દિક વિવાદ ટૂંક સમયમાં જ હિંસક વળાંક તરફ ફંટાયો હતો.
યુવકના ઘર પર ૨૫ જેટલા શખ્સોના ટોળાનો જોરદાર પથ્થરમારો
વિવાદ વકરતાં મોડી સાંજે ગૌરવ ચૌધરીની કમેન્ટથી રોષે ભરાયેલા મુસ્લિમ સમાજના આશરે ૨૫ જેટલા શખ્સોનું ટોળું તેના ઘર પાસે ધસી આવ્યું હતું. ઉશ્કેરાયેલા ટોળાએ યુવકના ઘરને લક્ષ્ય બનાવીને સરેઆમ જોરદાર પથ્થરમારો કરવાનું શરૂ કરી દીધું હતું. આ ઘટનાથી સમગ્ર વિસ્તારના રહીશોમાં ભારે ફાળ પડી હતી અને ભયનો માહોલ સર્જાયો હતો. સ્થાનિકો અને પ્રત્યક્ષદર્શીઓના આક્ષેપ મુજબ, ઘટનાસ્થળે પોલીસની હાજરી હોવા છતાં ઉત્પાતિ તત્વો શાંત થવાનું નામ નહોતા લેતા.
હિન્દુ સંગઠનોમાં ભારે આક્રોશ : PASA હેઠળ કડક પગલાંની માગ
ઘટનાની જાણ થતાં જ વિવિધ હિન્દુ સંગઠનોના હોદ્દેદારો અને કાર્યકરો મોટી સંખ્યામાં એકત્રિત થઈ ગયા હતા. સંગઠનોએ સોશિયલ મીડિયા પર વાંધાજનક ટિપ્પણી કરનાર અને યુવકના ઘર પર પથ્થરમારો કરનારા તમામ અસામાજિક તત્વો સામે કડકમાં કડક પાસા (PASA) સહિતના કાયદાકીય પગલાં ભરવાની ઉગ્ર માગણી કરી છે.
વિસ્તારમાં વધારાનો પોલીસ કાફલો તૈનાત
સમગ્ર પંથકમાં ભારેલા અગ્નિ જેવી સ્થિતિને ધ્યાનમાં રાખીને તાપી પોલીસ દ્વારા સંવેદનશીલ વિસ્તારોમાં વધારાનો સશસ્ત્ર પોલીસ કાફલો તૈનાત કરી દેવામાં આવ્યો છે. કોઈ અપ્રિય બનાવ ન બને તે માટે પોલીસનું પેટ્રોલિંગ વધારી દેવાયું છે. હાલમાં તાપી પોલીસે બંને પક્ષોની રજૂઆતો અને સોશિયલ મીડિયા પોસ્ટના સ્ક્રીનશોટ મેળવી કાયદેસરની તપાસ હાથ ધરી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
