ગુજરાત ATS દ્વારા ઝડપાયેલા અલકાયદા ઈન્ડિયા શાખાના ચાર આતંકીઓ મામલે એક પછી એક ચોંકાવનારા ખુલાસાઓ સામે આવી રહ્યા છે. તાજેતરમાં થયેલી તપાસમાં ATSને આતંકીઓના મોબાઈલમાંથી મળેલા ડેટા પરથી ભારે વિસ્ફોટક વિગતો મળી છે, જે સમગ્ર દેશની આંતરિક સુરક્ષા માટે ગંભીર ચિંતાનો વિષય બની છે. મળતી માહિતી અનુસાર, જે ચાર આતંકીઓને ગુજરાત ATSએ દિલ્હી, ઉત્તર પ્રદેશ અને અરવલ્લીથી પકડી પાડ્યા છે, તેમના મોબાઈલમાંથી ઉગ્ર ઇસ્લામી અને રાષ્ટ્રવિરોધી વિચારો ફેલાવતા વિડિયોઝ, તસવીરો, અને ડેટા મળ્યા છે, જેમાં અલકાયદાના લોગો, ધ્વજ અને હિન્દુ સમુદાય વિરુદ્ધ દ્વેષભર્યા સંદેશો સ્પષ્ટ જોવા મળે છે.
વિશેષ માહિતી મુજબ, આતંકીઓ ભારત વિરુદ્ધ ઝેર ઉગલતા વીડિયો અને શરિયા કાયદાની વકાળત કરનારા મેસેજીસ વીડિયો રૂપે સોશિયલ મીડિયામાં વહેંચી રહ્યા હતા. આ વીડિયોઝનો ઉપયોગ તેમને યુવાનોને ઉશ્કેરવા અને આતંકી પ્રવૃત્તિઓ તરફ ખેંચવા માટે કરાતો હતો. ATSને મળેલા પુરાવાઓ અનુસાર, આતંકીઓ એવા મેસેજિંગ એપ્સનો ઉપયોગ કરતા હતા જેમાં ચેટ્સ ઓટોમેટિક ડિલીટ થતી હતી, જેથી કોઈ ઇલેક્ટ્રોનિક ટ્રેસ ન રહે. તેમ છતાં ATSના ટેક્નિકલ સેલે આ ડેટા પુનઃપ્રાપ્ત કરીને તેમના કાવતરાઓને ખુલ્લા કર્યા છે.
#BREAKINGNEWS#AQIS के आतंकियों ऑडियो वीडियो
देश विरोधी, भड़काऊ,शरिया लागू करने की तरफदारी के ऑडीयो-वीडियो गुजरात ATS ने आतंकियों के मोबाइल से बरामद किए.
चेट और वीडियो फौरन डिलीट हो जाये इस प्रकार की एप्स आतंकी इस्तेमाल करते थे लेकिन ATS आतंकियों से एक कदम आगे निकली.
सभी… pic.twitter.com/ZmXujWDyPH
— One India News (@oneindianewscom) July 24, 2025
આ આતંકીઓ લાંબા સમયથી સોશિયલ મીડિયા પર સક્રિય હતા અને અન્ડરગ્રાઉન્ડ નેટવર્ક દ્વારા યુવાઓને ધર્મના નામે ઉશ્કેરીને ગ્રૂપમાં જોડતા હતા. વિવિધ ટેલિગ્રામ ચેનલ, મેસેજિંગ એપ અને શંકાસ્પદ ફોરમ્સ દ્વારા તેઓ ભારત વિરોધી પ્રચાર ફેલાવતા હતા. ગુજરાત ATSને તેમના ચેટ લોગ્સ, વીડિયો અને ટેક્નિકલ ડેટા મળ્યા બાદ તાત્કાલિક કાર્યવાહીને તેજ કરી હતી. શંકાસ્પદ ઇન્ટરનેશનલ કનેક્શન અને ફંડિંગ સોર્સની પણ તપાસ ચાલી રહી છે.
આ ઘટનાએ સ્પષ્ટ કરી દીધું છે કે ભારતના અંદરના વિસ્તારોમાં પણ આંતરરાષ્ટ્રીય આતંકી સંગઠનો, ખાસ કરીને અલકાયદા જેવી સંગઠનો, પોતાનું નેટવર્ક ઉભું કરવાની કોશિશ કરી રહ્યા છે. ગુજરાત ATSની ઝડપી કાર્યવાહી અને ટેક્નિકલ ક્ષમતા કારણે આ ભયાનક કાવતરો સમયે જ વિખૂટું પાડવામાં આવ્યું. હાલ ચારેય આતંકીઓ પાસેથી વધુ માહિતી મેળવવા માટે પૂછપરછ ચાલી રહી છે અને તેમની કનેક્શન્સનું નેટવર્ક કેવો વિસ્તાર ધરાવે છે તે તપાસવામાં આવી રહ્યું છે.
આ કેસ માત્ર સુરક્ષા એજન્સીઓ માટે જ નહીં, પરંતુ સમગ્ર દેશમાં આત્મજાગૃતિ અને આંતરિક સુરક્ષા માટે ચેતવણીરૂપ સાબિત થયો છે. ગુજરાત ATSની કાર્યવાહી વડે એક મોટું ભયાનક સાજિશ અટકાવી શકાઈ છે, જે સમયસર ન રોકાઈ હોત તો ભવિષ્યમાં દેશ માટે મોટો ખતરો બની શકી હોત.
