ગુજરાતના મુખ્યમંત્રી ભૂપેન્દ્રભાઈ પટેલે આપેલું વચન નિભાવતા બનાસકાંઠા જિલ્લાના પી.એમ.શ્રી ઉત્તમપુરા (ડાંગીયા) અનુપમ પ્રાથમિક શાળાની મુલાકાત લઈને માનવીય સંવેદનાનું અનોખું ઉદાહરણ રજૂ કર્યું છે. ગત વર્ષે યોજાયેલા સ્કૂલ મેનેજમેન્ટ કમિટી (SMC) ના વીડિયો સંવાદ દરમિયાન ધોરણ-1માં અભ્યાસ કરતી નાની દીકરી સામ્યા પ્રજાપતિએ મુખ્યમંત્રીને નિર્દોષતાથી પૂછ્યું હતું કે, “દાદા, તમે અમારી સ્કૂલમાં ક્યારે આવશો?” ત્યારે મુખ્યમંત્રીએ તેને મળવા આવવાનું વચન આપ્યું હતું, જે આજે સાકાર થયું.
“દાદા, તમે અમારી સ્કૂલમાં ક્યારે આવશો?”
“હું જ્યારે ત્યાં આવીશ ત્યારે ચોક્કસ તને મળવા આવીશ.”
મુખ્યમંત્રી શ્રી ભૂપેન્દ્રભાઈ પટેલે બનાસકાંઠા જિલ્લાના પી.એમ.શ્રી ઉત્તમપુરા (ડાંગીયા) અનુપમ પ્રાથમિક શાળામાં અભ્યાસ કરતી દીકરી સામ્યાની લાગણીને માન આપી ફરી એકવાર પોતાના વડીલસહજ… pic.twitter.com/MWE7v7kgwZ
— Gujarat Information (@InfoGujarat) February 7, 2026
વિદ્યાર્થીઓ સાથે આત્મીય સંવાદ, શિક્ષણ વ્યવસ્થાની કરી સમીક્ષા
મુખ્યમંત્રીએ શાળાની મુલાકાત દરમિયાન વિદ્યાર્થીઓ સાથે આત્મીય રીતે વાતચીત કરી અને તેમના અભ્યાસ, શાળા પરિસર તેમજ શિક્ષણ વ્યવસ્થાની માહિતી મેળવી. શાળાના બાળકો સાથેનો આ સંવાદ ખૂબ જ ભાવનાત્મક રહ્યો. સામ્યા પ્રજાપતિએ ખુશી વ્યક્ત કરતાં જણાવ્યું કે મુખ્યમંત્રીએ તેમની વાત યાદ રાખી અને શાળાની મુલાકાત લઈને તેનું સપનું પૂરું કર્યું.
‘ભણીને કલેક્ટર બનજે’ – મુખ્યમંત્રીએ આપ્યું પ્રેરણાદાયી આશીર્વાદ
કાર્યક્રમ દરમિયાન સામ્યાએ મુખ્યમંત્રી સમક્ષ શ્લોક પાઠ કર્યા, જેને જોઈ મુખ્યમંત્રીએ પ્રસન્નતા વ્યક્ત કરી. તેમણે દીકરીને આશીર્વાદ આપતાં કહ્યું, “તું ભણીને મોટી થઈને કલેક્ટર બનજે અને પછી મને મળવા આવજે.” સામ્યાએ પણ આત્મવિશ્વાસ સાથે જવાબ આપ્યો કે તે ભવિષ્યમાં જરૂર મળવા આવશે.
Banaskantha, Gujarat | Following a little girl Shamya's emotional request to meet him, Chief Minister Bhupendra Patel visited the PM SHRI Uttampura (Dangiya) Anupam Primary School in Banaskantha district to meet her.
Source: Information Department, Gujarat pic.twitter.com/rzDWHtCq8R
— ANI (@ANI) February 7, 2026
કાર્યક્રમમાં મંત્રી પ્રવીણ માળી સહિત સ્થાનિક આગેવાનો હાજર
આ પ્રસંગે વન અને પર્યાવરણ મંત્રી પ્રવીણભાઈ માળી, શાળાના શિક્ષકો, વિદ્યાર્થીઓ તથા સ્થાનિક આગેવાનો હાજર રહ્યા હતા. મુખ્યમંત્રીની સહજતા અને બાળકો પ્રત્યેની લાગણીસભર વૃત્તિએ શાળા પરિવાર અને રાજ્યભરના SMC સભ્યોમાં આનંદની લાગણી ફેલાવી.
માનવીય સ્પર્શથી ચર્ચામાં CMનો કાર્યક્રમ
મુખ્યમંત્રી ભૂપેન્દ્ર પટેલની આ મુલાકાત માત્ર ઔપચારિક કાર્યક્રમ નહીં, પરંતુ વિદ્યાર્થીઓ સાથે સીધી જોડાણ અને શિક્ષણ પ્રત્યેના પ્રોત્સાહનનો મહત્વપૂર્ણ સંદેશ માનવામાં આવી રહ્યો છે. આ પ્રસંગે રાજ્યમાં શિક્ષણ ક્ષેત્રે સરકારની પ્રતિબદ્ધતા અને બાળકોના સપનાઓને પ્રોત્સાહન આપવાની ભાવના પણ સ્પષ્ટ થઈ.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
