ખેડા જિલ્લાના નડિયાદ સેશન્સ કોર્ટે એક સગીર બાળકી પર દુષ્કર્મના ગંભીર ગુનામાં આરોપી વિરેન્દ્ર ઉર્ફે કાળાને 20 વર્ષની સખત કેદ અને રૂપિયા 35,000નો દંડ ફટકાર્યો છે. આ કેસમાં કોર્ટ દ્વારા માનવીય અભિગમ અપનાવી ભોગ બનનાર સગીરાને 1 લાખ રૂપિયાનું વળતર પણ ચુકવવાની હુકમ કરવામાં આવ્યો છે. આ ચુકાદો મહિલા અને બાળ સુરક્ષા કાયદાઓ માટે મજબૂત પૂર્વવર્તી તરીકે નોંધાયો છે.
આ ગંભીર ગુના ઠાસરા તાલુકાના ફાગવેલ ગામનો રહેવાસી વિરેન્દ્ર ઉર્ફે કારોએ આચર્યો હતો. આરોપીએ સગીરાને લગ્ન કરવાની લાલચ આપી ભટકાવીને, રાજકોટ જિલ્લાના શાપર GIDC વિસ્તારમાં પોતાની ઓરડીમાં લઈ ગયો હતો, જ્યાં તેની મરજી વિરુદ્ધ અવારનવાર દુષ્કર્મ કરાયો. કેસ નોંધાતા IPC ની વિવિધ કલમો અને POCSO અધિનિયમ હેઠળ કાર્યવાહી કરવામાં આવી હતી.
નડિયાદના સ્પેશિયલ POCSO જજ પી. પી. પુરોહિતની કોર્ટમાં કેસ ચાલ્યો હતો. સરકારી વકીલ યોગીબેન બારોટે કોર્ટમાં દલીલો રજૂ કરી. કેસ દરમિયાન કુલ 13 સાક્ષીઓની તપાસ કરવામાં આવી હતી અને 16 જેટલા દસ્તાવેજી પુરાવા કોર્ટમાં રજૂ કરવામાં આવ્યા હતા. પુરાવા અને સાક્ષીઓના આધારે આરોપી દોષિત ઠરાવ્યો હતો.
અદાલતે દુષ્કર્મ કરનારા વિરેન્દ્ર ઉર્ફે કારોને 20 વર્ષની સખત કેદ અને 35,000 રૂપિયાનો દંડ ફટકાર્યો છે. વધુમાં, સગીરાને 1 લાખ રૂપિયાનું વળતર સરકારની જાહેરાત મુજબ આપવામાં આવશે. આ નિર્ણય મહિલા અને બાળ સુરક્ષા કાયદાઓને મજબૂત બનાવનાર અને ગુનાહિત તત્વો સામે કડક સંદેશ આપનાર તરીકે જોવા મળ્યો છે. આ ઐતિહાસિક ચુકાદો બાદ વિસ્તારોમાં લોકોને રાહત અને ન્યાય પ્રણાલીની કાર્યક્ષમતા પર વિશ્વાસ વધ્યો છે. એસી કામગીરી અને કોર્ટની ઝડપથી સજા ફટકારવાના પગલાંથી ભવિષ્યમાં આવા ગુનાઓને અટકાવવા માટે સંકેત મળ્યો છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
