વડાપ્રધાન નરેન્દ્ર મોદી આજથી જમ્મુ-કાશ્મીરની બે દિવસીય મુલાકાતે છે. ત્રીજી વખત વડાપ્રધાન બન્યા બાદ તેમની જમ્મુ-કાશ્મીરની આ પ્રથમ મુલાકાત છે. ખાસ વાત એ છે કે પીએમ મોદી જમ્મુ-કાશ્મીરમાં આંતરરાષ્ટ્રીય યોગ દિવસની ઉજવણી કરશે. તેઓ શ્રીનગરમાં દાલ સરોવરના કિનારે યોગ દિવસની ઉજવણી કરશે. યોગ દિવસ પહેલા PM મોદી આજે સાંજે 6 વાગ્યે યુથના એક કાર્યક્રમમાં હાજરી આપશે. આ કાર્યક્રમ શ્રીનગરના શેર-એ-કાશ્મીર ઇન્ટરનેશનલ સેન્ટરમાં યોજાશે. તાજેતરના સમયમાં આ કેન્દ્રશાસિત પ્રદેશમાં કેટલીક આતંકવાદી ઘટનાઓ પણ બની છે. પીએમની મુલાકાતને ધ્યાનમાં રાખીને સમગ્ર શ્રીનગરને રેડ ઝોન જાહેર કરી દેવામાં આવ્યું છે. શેર-એ-કાશ્મીર ઇન્ટરનેશનલ સેન્ટર અને દાલ લેકની આસપાસ સઘન સુરક્ષા વ્યવસ્થા કરવામાં આવી છે.
પ્રધાનમંત્રી શ્રીનગરમાં 20 જૂને સાંજે 6 વાગ્યે શેર-એ-કાશ્મીર ઇન્ટરનેશનલ કોન્ફરન્સ સેન્ટર (SKICC) ખાતે ‘એમ્પાવરિંગ યુથ, ટ્રાન્સફોર્મિંગ જમ્મુ અને કાશ્મીર’ કાર્યક્રમમાં ભાગ લેશે.
આ પ્રસંગે, વડાપ્રધાન સ્ટોલનું નિરીક્ષણ કરશે અને જમ્મુ અને કાશ્મીરના ‘યંગ અચીવર્સ’ સાથે વાર્તાલાપ કરશે.
આ દરમિયાન, વડા પ્રધાન 1,500 કરોડથી વધુની કિંમતની 84 મોટી વિકાસ યોજનાઓનો શિલાન્યાસ કરશે અને ઉદ્ઘાટન કરશે.
જે પ્રોજેક્ટનું ઉદ્ઘાટન કરવામાં આવશે તેમાં રોડ ઈન્ફ્રાસ્ટ્રક્ચર, પાણી પુરવઠા યોજનાઓ અને ઉચ્ચ શિક્ષણમાં ઈન્ફ્રાસ્ટ્રક્ચર વગેરેને લગતા પ્રોજેક્ટ્સ સામેલ છે.
આ ઉપરાંત વડાપ્રધાન ચેનાની-પટનીટોપ-નશરી વિભાગના સુધારણા, ઔદ્યોગિક વસાહતનો વિકાસ અને છ સરકારી ડિગ્રી કોલેજોના નિર્માણ જેવા પ્રોજેક્ટનો શિલાન્યાસ કરશે.
PM Modi to inaugurate, lay foundation stone of multiple development projects worth over Rs 1500 cr in J-K today
Read @ANI Story | https://t.co/XL6iRG1qeC#PMNarendraModi #JammuandKashmir #Srinagar pic.twitter.com/LWJ9Wb1T6f
— ANI Digital (@ani_digital) June 20, 2024
તેઓ કૃષિ અને સંલગ્ન ક્ષેત્રોમાં સ્પર્ધાત્મકતા સુધારણા (JKCIP) 1,800 કરોડ રૂપિયાના પ્રોજેક્ટની પણ શરૂઆત કરશે. આ પ્રોજેક્ટ જમ્મુ-કાશ્મીરના 20 જિલ્લાના 90 બ્લોકમાં લાગુ કરવામાં આવશે.
વડાપ્રધાન સરકારી સેવામાં નિયુક્ત 2,000 થી વધુ વ્યક્તિઓને નિમણૂક પત્રોનું વિતરણ પણ કરશે.
વડાપ્રધાન આંતરરાષ્ટ્રીય યોગ દિવસના અવસરે બીજા દિવસે સવારે 6.30 વાગ્યે શ્રીનગરમાં મુખ્ય સમારોહનું નેતૃત્વ કરશે.
સુરક્ષા દળોને બે મોટી સફળતા મળી
જણાવી દઈએ કે પીએમ મોદીના કાશ્મીર પ્રવાસ પહેલા સુરક્ષા દળોને મોટી સફળતા મળી છે. સૌથી પહેલા કુપવાડાના એન્કાઉન્ટરમાં સેના અને જમ્મુ-કાશ્મીર પોલીસે બે આતંકીઓને ઠાર કર્યા છે. બંને આતંકીઓ લશ્કર સાથે સંકળાયેલા હોવાનું કહેવાય છે, જ્યારે બીજી મોટી સફળતામાં રિયાસીમાં વૈષ્ણોદેવી જતી બસ પર થયેલા આતંકી હુમલાની તપાસમાં એક વ્યક્તિની ધરપકડ કરવામાં આવી છે. એવું કહેવામાં આવી રહ્યું છે કે હકીમ નામના આ વ્યક્તિએ પૈસા લીધા હતા અને આતંકીઓને પોતાના ઘરે આશ્રય આપ્યો હતો. હવે આ પૂછપરછમાં બાકીના આતંકવાદીઓની ટૂંક સમયમાં ધરપકડ થઈ શકે છે. NIA હવે આ મામલે તપાસ કરી રહી છે.
