બ્રાઝિલ પહેલા વડાપ્રધાન મોદી 16-17 નવેમ્બરે આફ્રિકન દેશ નાઈજીરિયાની મુલાકાત લેશે. વડાપ્રધાન મોદી 19-21 નવેમ્બર સુધી દક્ષિણ અમેરિકન દેશ ગુયાનાની મુલાકાતે જશે.
આ વર્ષે બ્રાઝિલ G-20 સમિટનું આયોજન કરી રહ્યું છે. G-20 દેશોના ટોચના નેતાઓ રિયો ડી જાનેરો પહોંચશે. ભારત તરફથી આમાં ભાગ લેવા માટે વડાપ્રધાન નરેન્દ્ર મોદી 18-19 નવેમ્બરે બ્રાઝિલની મુલાકાત લેશે.આ ઉપરાંત પીએમ મોદી નાઈજીરિયા અને ગુયાનાની પણ મુલાકાત લેશે. વિદેશ મંત્રાલયે પીએમ મોદીના વિદેશ પ્રવાસ વિશે માહિતી આપી હતી. વિદેશ મંત્રાલયના જણાવ્યા અનુસાર, બ્રાઝિલ પહેલા વડાપ્રધાન મોદી 16-17 નવેમ્બરે આફ્રિકન દેશ નાઈજીરિયાની મુલાકાત લેશે. નાઈજીરિયા બાદ પીએમ મોદી બ્રાઝિલ પહોંચશે.
નાઈજીરિયામાં 17 વર્ષ બાદ પહેલીવાર કોઈ ભારતીય વડાપ્રધાન
વિદેશ મંત્રાલયે કહ્યું કે પીએમ મોદીની નાઈજીરિયાની મુલાકાત ઘણી રીતે ખાસ છે કારણ કે 17 વર્ષ પછી પહેલીવાર કોઈ ભારતીય વડાપ્રધાન આ આફ્રિકન દેશની મુલાકાતે છે. આ પછી પીએમ મોદી બ્રાઝિલમાં G-20 દેશોની સમિટમાં ભાગ લેશે. સમિટની અંતર્ગત અન્ય ઘણા વૈશ્વિક નેતાઓને મળવાના કાર્યક્રમો પણ છે.
56 વર્ષ પછી ભારતીય વડાપ્રધાનની ગુયાનાની મુલાકાત
આ પછી વડાપ્રધાન મોદી 19-21 નવેમ્બર સુધી દક્ષિણ અમેરિકન દેશ ગુયાનાની સરકારી મુલાકાતે જશે. PM મોદીની ગુયાનાની મુલાકાત ખાસ છે કારણ કે 1968 પછી ભારતીય વડાપ્રધાનની આ પ્રથમ મુલાકાત હશે.
