દેશ ભર માં 75 માં પ્રજાસત્તાક પર્વ ની ઉજવણી કરાઈ હતી. ત્યારે સુરત જિલ્લા ના બારડોલી ખાતે બારડોલી રાજપૂત સમાજ ટ્રસ્ટ સંચાલિત વાત્સલ્ય વિદ્યાલય માં ધ્વજવંદન કરાયું હતું. એન આર આઈ અને હમેશ સમાજ માટે મદદરૂપ થતાં આવેલ ભરતસિંહ રણા ના વરદ હસ્તે ધ્વજવંદન કરાયું હતું. ધ્વજવંદન કાર્યક્રમ માં બારડોલી વિભાગ રાજપૂત સમાજ ટ્રસ્ટ ના સૌ હોદ્દેદારશ્રીઓ, ટ્રસ્ટી સભ્યશ્રીઓ , પૂર્વ ટ્રસ્ટીઓ , સમાજ અગ્રણીઓ વિશેષ ઉપસ્થિત રહ્યા હતા. પ્રસંગ નિમિતે વિદેશ થી આવેલ ભરતસિંહ રણા એ પોતે વિદેશ રહેતા હોવા છતાં ભારત દેશ પ્રત્યે તેઓ ની લાગણી શાબ્દિક રીતે વર્ણવી હતી. તેમજ મેનેજીંગ ટ્રસ્ટી એવા ભરતસિંહ સોલંકી એ પ્રજાસત્તાક પર્વ નિમિત્તે બાળકો દેશ ભક્તિ ની ભાવના જાળવી બંધારણ ના મૂલ્યો નું જતન કરવાની લાગણી વ્યક્ત કરી હતી. સમગ્ર કાર્યક્રમ માં ઝંડા ગીત , મસાલ ગીત સહિત વિદ્યાર્થીઓ એ રજૂ કરેલ પરેડ આકર્ષણ નું કેન્દ્ર બની હતી.
