આણંદ જીલ્લાના તારાપુર તાલુકામાં કે.ડી.સી.સી. બેંકની અત્યાધુનિક સુવિધાઓથી સુસજ્જ તારાપુર શાખાનું ઉદ્ઘાટન કરવામાં આવ્યું હતું.
દેશના વડાપ્રધાન નરેન્દ્રભાઈ મોદી ના નેતૃત્વ હેઠળ તથા દેશના ગૃહ તથા પ્રથમ સહકાર મંત્રી અમિતભાઈ શાહ ના માર્ગદર્શન હેઠળ દેશનું સહકારી માળખું ખૂબ જ પ્રગતિ કરી રહ્યું છે ત્યારે સહકારથી સમૃદ્ધિના સૂત્રને ચરિતાર્થ કરવા ધી ખેડા ડિસ્ટ્રિક્ટ સેન્ટ્રલ કો ઓપરેટિવ બેંક લિ.નડિયાદ ના ચેરમેન તેજસભાઈ બી પટેલ ના માર્ગદર્શન હેઠળ અત્યાધુનિક સુવિધાઓથી સુસજ્જ નવ નિર્મિત તારાપુર શાખાનું ઉદ્ઘાટન કરવામાં આવ્યું.
આ કાર્યક્રમમાં ધી ખેડા ડિસ્ટ્રિક્ટ સેન્ટ્રલ કો ઓપરેટિવ બેંક લિ.નડિયાદ ના ચેરમેન તેજસભાઈ બી પટેલ ના માર્ગદર્શન હેઠળ શરૂ કરવામાં આવેલ આત્મનિર્ભર સ્વરોજગાર યોજના “ઘર-ઘર કેસીસી તથા પશુપાલન કેસીસી યોજના, માઇક્રો એટીએમ, વ્હોટસએપ બેન્કિંગ, ટેબ્લેટ બેન્કિંગ,લોન મેજમેન્ટ સિસ્ટમ જેવી ડિજીટલ સુવિધાઓ હેઠળ તારાપુર તથા આજુ બાજુના ગામના નાગરિકોને બેન્કની વિવિઘ ધિરણલક્ષી યોજનાઓ તેમજ ઉપરોક્ત વિવિધ બેન્કિંગ સેવાઓની માહિતી આપવામાં આવી.
કાર્યક્રમની શુભ શરૂઆત દીપ પ્રાગટ્યથી કર્યા બાદ બેંકના વાઇસ ચેરમેન રાજેન્દ્રસિંહ પરમાર દ્વારા ઉપસ્થિત સર્વે મહાનુભાવો તથા સભાસદો ગ્રાહકો તથા સહકારી આગેવાનોનું શાબ્દિક સ્વાગત કરવામાં આવ્યું હતું.
આ કાર્યક્રમમાં બેંકના કાર્યસીલ ચેરમેન તેજસભાઈ પટેલ દ્વારા બેંકની વિવિધ યોજનાઓ સમજાવામાં આવી હતી જેવી કે પ્રધાન મંત્રી જીવન જ્યોતિ યોજના, પ્રધાન મંત્રી જીવન સુરક્ષા યોજના, kcc પશુપાલન યોજના, પ્રધાનમંત્રી સૂર્ય ગ્રહ મુક્ત વીજળી યોજના, ધિરાણ લક્ષી યોજનાની માહિતી, રિકવરી અંગેની માહિતી, સામાજિક જન જાગૃતિ અંગેની સમજૂતી, સી ટુ સી (સહકારી સંસ્થાઓ વચ્ચે સહકાર), સેવા મંડળીઓનું કોમ્પુટર રાઇઝેશન, સેવા મંડળી સી એસ સી (કોમન સર્વિસ સેન્ટર) અંતર્ગત મંડળીઓ વિવિધ કામગરી કરી શકશે તેવી અનેક યોજના સમજાવી હતી.ખેડૂતો અને પશુપાલકો ને લાભ લેવાનું જણાવ્યું હતું. આણંદ જિલ્લા ભાજપ પ્રમુખ સંજયભાઈ પટેલ દ્વારા બેંકની ડિજિટલ સર્વિસ તથા અન્ય યોજનાઓનો ઉપયોગ કરવા માહિતી આપવામાં આવી હતી.
સોજીત્રા વિધાનસભા ધારાસભ્ય વિપુલભાઈ પટેલે બેંકના કાર્યશીલ ચેરમેન તેજસભાઈ પટેલ તથા વાઇસ ચેરમેન રાજેન્દ્રસિંહ બી પરમારના કાર્યને બિરદાવ્યું હતું અને બેંક ની ડિજિટલ કાર્ય પધ્ધતિ અને બેંક જે ગ્રાહકોના ઘરે જઈ ને જે સેવા પૂરી પાડી રહી છે તે કાર્ય પ્રણાલી ને બિરદાવી હતી.
આ કાર્યક્રમમાં ઉપસ્થિત સંજયભાઈ પટેલ આણંદ જિલ્લા ભાજપ પ્રમુખ, વિપુલભાઈ પટેલ સોજીત્રા વિધાનસભા ધારાસભ્ય, તેજસભાઈ પટેલ kdcc બેંક ચેરમેન, રાજેન્દ્રસિંહ પરમાર કેડીસીસી બેંક વા.ચેરમેનનું તારાપુર તાલુકાના સંગઠનના હોદ્દેદારો દ્વારા પરંપરાગત રીતી રિવાજ મુજબ સવિશેષ સન્માન કરવામાં આવ્યું હતું.
રિપોર્ટર – યેશા શાહ (ખેડા)
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
