નડિયાદ મ્યુનિસિપલ કોર્પોરેશનના આરોગ્ય વિભાગ દ્વારા સર્વત્રિક રસીકરણ કાર્યક્રમ અંતર્ગત આજે પીપલગ સ્થિત સરદાર પટેલ હાઈસ્કૂલ ખાતે વિશેષ રસીકરણ કાર્યક્રમનું સફળ આયોજન કરવામાં આવ્યું હતું.
કાર્યક્રમ દરમિયાન ૫ વર્ષ પૂર્ણ થયેલ બાળકોને DPT 2nd Booster Dose તેમજ ૧૦ અને ૧૬ વર્ષની ઉંમરના બાળકોને Td Vaccine આપવામાં આવી હતી. રસીકરણનો મુખ્ય હેતુ બાળકોને વિવિધ ચેપી રોગો સામે સુરક્ષા પ્રદાન કરવાનો અને તેમના સ્વાસ્થ્યને વધુ મજબૂત બનાવવાનો છે.
આ પ્રસંગે નડિયાદ મહાનગરપાલિકાના મેયર મનીષભાઈ પટેલ તથા મેડિકલ ઓફિસર ઓફ હેલ્થ ડૉ. પ્રેરણા ગ્વાલાની વિશેષ ઉપસ્થિત રહ્યા હતા. મહાનુભાવોએ વિદ્યાર્થીઓ અને વાલીઓને રસીકરણના મહત્વ અંગે માર્ગદર્શન આપ્યું હતું તથા બાળકોના સ્વસ્થ ભવિષ્ય માટે સમયસર રસીકરણની આવશ્યકતા પર ભાર મૂક્યો હતો.
કાર્યક્રમમાં આરોગ્ય વિભાગની ટીમ, RBSK ટીમ, શાળાના આચાર્યશ્રી, શિક્ષકો, વાલીઓ તેમજ વિદ્યાર્થીઓએ ઉત્સાહભેર સહભાગિતા નોંધાવી હતી. સૌના સહયોગથી કાર્યક્રમનું આયોજન સુચારુ અને સફળતાપૂર્વક પૂર્ણ થયું હતું.
નડિયાદ મ્યુનિસિપલ કોર્પોરેશન દ્વારા તમામ વાલીઓને પોતાના બાળકોનું સમયસર રસીકરણ કરાવવા અપીલ કરવામાં આવી છે, જેથી “સ્વસ્થ બાળક – સ્વસ્થ ભારત” ના સંકલ્પને સાકાર કરી શકાય.
રિપોર્ટર – યેશા શાહ (ખેડા)
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
