રાષ્ટ્રપતિ ના હાથે નારી શક્તિ એવોર્ડ વિજેતા અને અંતરરાષ્ટ્રીય મોટીવેશનલ સ્પીકર શિવનીબેન આગામી ૨૧ તારીખે ભાવનગર પધારવાના છે ત્યારે સરદારનગર સ્થિત બ્રહ્મકુમરીઝમાં એક પ્રેસ કોન્ફરન્સ નું આયોજન કરવામાં આવ્યું હતું .
કોન્ફરન્સ દરમિયાન બ્રહ્મકુમારી તૃપ્તિબેન એ જાણકારી આપી કે ભાવનગરમાં પ્રથમવાર શિવનીબેન આવી રહ્યા છે કે જેઓને મોટીવેશનલ સ્પીકર તરીકે ની લોક ચાહના દેશ વિદેશ સુધી પોહચેલ છે .
વધુમાં જણાવતા તૃપ્તિબેનએ કહ્યું અત્યારે સમાજમાં અને નવી પેઢીમાં સહન શીલતા ઓછી થતી જાય છે જેને કારણે લોકો ના જીવન હેપ્પીનેસ એટલે કે સુખ ઓછુ થતુ જાય છે , આગામી ૨૧તારીખના શિવનીબેન ” પાસવર્ડ ઓફ હેપ્પીનેસ ” વિષય ઉપર બોલશે અને તેનો લાભ લેવા માટે બ્રહ્માકુમારી પરિવાર દ્વારા ભાવનગરની જનતા ને આમંત્રણ પાઠવ્યું છે .
પાંચ હજારથી વધુ લોકો દ્વારા રજીસ્ટ્રેશન કરી ચૂકવામાં આવ્યા છે અને હજી વધુ રજીસ્ટ્રેશન થશે તેવી આશા પણ છે .
રજીસ્ટ્રેશન http://bksmart.org/Registration/BKShivani2024 પર કરવાનું રહેશે અને સરદારનગર સ્થિત બ્રહ્માકુમારી આશ્રમ થી પાસ ૨૦ તારીખ સુધીમાં સવારે ૮.૦૦ થી ૧૧.૦૦ અને સાંજે ૫.૦૦ થી ૮.૦૦ સુધીમાં લઈ જવાના રહેશે .
આ કાર્યક્રમનું આયોજન જવાહર મેદાન રિલાયન્સ મોલ સામે કરવામાં આવ્યું છે અને સાંજે ૬.૦૦ થી ૮.૦૦ શિવનીબેન ખુશીયો નો પાસવર્ડ વિષય ઉપર જ્ઞાન પિરસશે .
