ઉમરેઠ પોલીસના પેટ્રોલિંગ સ્ટાફ ઓડ બજાર વિસ્તારમાં નાઈટ પેટ્રોલીંગમાં હતા તે દરમ્યાન એક સફેદ કલરની નંબર વગરની સ્વીફ્ટ ગાડી શંકાસ્પદ પરિસ્થિતિમાં દેખાઇ. પોલીસ દ્વારા સફેદ કલરની સ્વીફટ ગાડીને હાથથી ઈશારો કરી રોકતા અંદર બેઠેલા ઈસમોએ ગાડી રોકેલ નહી. આ ગાડીનો પીછો કરી પોલીસ દ્વારા ઉમરેઠ માર્કેટ યાર્ડ તરફ ગાડી જવા દેતા આગળ જઈ ગાડી ઉભી રાખી ગાડીમાં બેઠેલા ઇસમો ગાડી મુકી નાસી ગયેલ. જેથી પોલીસે પંચો રૂબરૂ ગાડીના દરવાજા ખોલી તેની અંદર ચેક કરતાં તેમાં બે મોબાઇલ મળી આવેલ તેમજ પાછળની શીટમાં અંદરના ભાગે બકરાઓ ભરેલ મળી આવેલ. જેથી સદર ગાડીની ડીકી ખોલી જોતા તેમાં જોતા વાહનની બે છુટ્ટી નંબર પ્લેટ હતી જેનો નંબર જોતાજી.જે.૨૩ એ.એફ ૧૮૪૨ નો હતો જેની અંદાજીત કિમંત રૂ.૨,૧૦,૦૦૦/- ની ગણેલ તથા સદર સ્વીફ્ટ કારમાં મળી આવેલ ૫ બકરાઓની પ્રતિ બકરા ૨૦૦૦/- રૂપિયા લેખે ફૂલ રૂ.૧૦,૦૦૦/- ની ગણી તેમજ સદર ગાડીમાંથી મળી આવેલ બે મોબાઈલ જેની એક મોબાઇલની અંદાજીત કિ.૫૦૦૦ લેખે બે મોબાઇલની કિમ.રૂ.૧૦,૦૦૦/- તેમજ સદર ગાડીમાથી મળી આવેલ આર.ટી.ઓ નંબર પ્લેટની કિ.રૂ.૦૦/- મળી ફૂલ મુદ્દામાલ રૂ.૨,૩૦,૦૦૦/- નો ગણી તમામ મુદ્દામાલ તપાસ અર્થે પોલીસે કબજે કરેલ અને જે નંબર વગરની સફેદ કલરની બકરા ભરેલ સ્વીફ્ટ ગાડી મુકીને નાસી ગયેલા ઇસમો અજય કનુભાઇ તળપદા તથા સુભાષભાઇ નટુભાઇ તળપદા નાઓ ધરપકડથી નાસતા ફરતા હોય જે ઘરે આવનાર હોવાની પાક્કી માહિતી આધારે તેમને પકડી અટક કરી આગળની કાયદેસરની કાર્યવાહી હાથ ધરેલ છે.\
રિપોર્ટર -ધનંજય શુક્લ( ઉમરેઠ)
