પેટલાદમાં સંસ્કૃતનો ગુંજ્યો નાદ : કલેક્ટર પ્રવીણ ચૌધરીના સંસ્કૃત સંબોધને સૌને કર્યા મંત્રમુગ્ધ

પેટલાદ એજ્યુકેશન સ્કૂલ ખાતે સંસ્કૃત ભાષાના મહત્ત્વ અને તેના સમૃદ્ધ વારસાને ઉજાગર કરવાના ઉદ્દેશ સાથે ‘સંસ્કૃત સપ્તાહ મહોત્સવ’ ની ઉત્સાહભેર ઉજવણી કરવામાં આવી હતી. કાર્યક્રમમાં આણંદના સાંસદ મિતેશભાઈ પટેલ વિશેષ ઉપસ્થિત રહ્યા હતા.

Contents

બાઈટ મિતેષ પટેલ (સાંસદ સભ્ય આણંદ )ભાવેશ સોની (આણંદ)

આ પ્રસંગે આણંદ જિલ્લા કલેક્ટર પ્રવીણ ચૌધરીની ખાસ ઉપસ્થિતિ રહી હતી. કલેક્ટરે સંસ્કૃત ભાષામાં સંબોધન કરીને ઉપસ્થિત મહાનુભાવો, શિક્ષકો અને વિદ્યાર્થીઓને મંત્રમુગ્ધ કર્યા હતા. તેમના સંસ્કૃત સંબોધને કાર્યક્રમમાં વિશેષ આકર્ષણ જમાવ્યું હતું.

કાર્યક્રમમાં પ્રજાપિતા બ્રહ્માકુમારીના પૂજ્ય ભગવતી દીદી, જિલ્લા પંચાયતના કાર્યકારી પ્રમુખ જીલુભા સિંધા, પેટલાદ નગરપાલિકા પ્રમુખ કોકિલાબેન તળપદા, નગરપાલિકાના કાઉન્સિલરો, જિલ્લા વિકાસ અધિકારી સુશ્રી દેવાહુતી, પ્રાંત અધિકારી કિંજલબેન રબારી સહિતના મહાનુભાવો ઉપસ્થિત રહ્યા હતા.

સંસ્કૃત સપ્તાહની ઉજવણીમાં શાળાના વિદ્યાર્થીઓ અને શિક્ષકો ઉપરાંત નગરજનો પણ મોટી સંખ્યામાં જોડાયા હતા. વિશેષરૂપે પેટલાદ તાલુકાની 37થી વધુ શાળાઓએ કાર્યક્રમમાં સહભાગિતા નોંધાવી હતી.

મહોત્સવ દરમિયાન વિદ્યાર્થીઓ દ્વારા વિવિધ પાત્રોની વેશભૂષા સાથે આકર્ષક ટેબ્લોનું પ્રદર્શન કરવામાં આવ્યું હતું. આ ટેબ્લો સાથે વિદ્યાર્થીઓએ પેટલાદ શહેરમાં ભ્રમણ કરી સંસ્કૃત ભાષા અને ભારતીય સંસ્કૃતિનો સંદેશ લોકો સુધી પહોંચાડ્યો હતો.

સમગ્ર કાર્યક્રમ સંસ્કૃત ભાષા પ્રત્યે વિદ્યાર્થીઓમાં રસ અને ભારતીય જ્ઞાન-પરંપરા પ્રત્યે ગૌરવની ભાવના જગાવતો બની રહ્યો હતો.