૯/૧૧ હુમલામાં ૬૦ % મૃતદેહ ઓળખાયા, પાંચ દિવસમાં અમદાવાદમાં ૭૦ %ની ઓળખ

૨૦૦૧માં ન્યૂયોર્કમાં થયેલા હુમલામાં ફોરેન્સિક ઓળખ માટે DNA ટેસ્ટ ૨૦૨૩ સુધી ચાલુ રહ્યા!

Last updated: 2025/06/18 at 11:18 એ એમ (AM)

One India News Team

3 Min Read

અમદાવાદ પ્લેન ક્રેશઃ માત્ર પાંચ દિવસમાં FSL દ્વારા 167 મૃતદેહોની ઓળખ, વિશ્વ સ્તરે નોંધપાત્ર સિદ્ધિ

અમદાવાદ પ્લેન ક્રેશ દુર્ઘટનામાં દુઃખદ રીતે મોતને ભેટેલા યાત્રીઓની ઓળખ માટે ગાંધીનગર સ્થિત ગુજરાત ફોરેન્સિક સાયન્સ લેબોરેટરી (FSL)માં ચાલી રહેલા DNA પ્રોફાઇલિંગ અને મેચિંગનું કાર્ય હવે અંતિમ તબક્કે છે. આટલી ટૂંકા સમયગાળા – માત્ર પાંચ દિવસમાં – FSL દ્વારા કુલ 167 મૃતદેહોની ઓળખ કરવી એ વૈજ્ઞાનિક દૃષ્ટિએ નોંધપાત્ર સિદ્ધિ માનવામાં આવે છે.

Contents

અમદાવાદ પ્લેન ક્રેશઃ માત્ર પાંચ દિવસમાં FSL દ્વારા 167 મૃતદેહોની ઓળખ, વિશ્વ સ્તરે નોંધપાત્ર સિદ્ધિ WTC હુમલાની સરખામણીએ ભારતે ઝડપથી પુરૂ કરી કાર્ય કાયમી સજ્જતા અને ટેક્નિકલ ક્ષમતા મુખ્‍ય મુદ્દાઓ સંક્ષિપ્તમાં:

FSLએ જણાવ્યું કે અત્યાર સુધીમાં તેમને કુલ 295 માનવ અવયવોમાંથી DNA સેમ્પલ મળ્યા હતા, જેમાંથી 183 સેમ્પલના રિપોર્ટ પ્રાપ્ત થયા છે. એમાંથી 167 મૃતદેહોની ઓળખ થઈ ચૂકી છે. અને તેમાંથી 133 મૃતદેહો તેમના પરિવારજનોને સોંપી દેવાયા છે.

WTC હુમલાની સરખામણીએ ભારતે ઝડપથી પુરૂ કરી કાર્ય

ઉલ્લેખનીય છે કે, 11 સપ્ટેમ્બર 2001ના રોજ અમેરિકાના ન્યૂયોર્કમાં વર્લ્ડ ટ્રેડ સેન્ટર (WTC) પર થયેલા વિમાન હુમલામાં કુલ 2,977 લોકોના મોત થયા હતા. તે ઘટનામાં માત્ર 60% મૃતદેહોની ઓળખ DNA ટેસ્ટ દ્વારા થઈ શકી હતી અને અમુક સેમ્પલની ઓળખ માટે વર્ષો સુધી પ્રક્રિયા ચાલતી રહી હતી. તેમ છતાં, અમદાવાદ પ્લેન દુર્ઘટનામાં માત્ર પાંચ દિવસમાં 70%થી વધુ મૃતદેહોની ઓળખ થઈ જવી એ આંતરરાષ્ટ્રીય સ્તરે નોંધપાત્ર ઉદાહરણ બની શકે છે.

FSLના વડા વૈજ્ઞાનિકોએ જણાવ્યું હતું કે, આ ઝડપભર્યું પરિણામ અગાઉની રાજકોટ ગેમિંગ ઝોન આગની ઘટના બાદ લેબને વધુ સજ્જ બનાવવાને લીધે શક્ય બન્યું છે. તેમના જણાવ્યા મુજબ, પ્લેન ક્રેશ થયાના 8 કલાકમાં જ મોટાભાગના પેસેન્જર્સના પરિવારોનો સંપર્ક સાધી તેમની તરફથી પણ DNA સેમ્પલ એકત્ર કરી લેવાયા હતા.

કાયમી સજ્જતા અને ટેક્નિકલ ક્ષમતા

આ તમામ પ્રક્રિયા દરમિયાન અમ્લિફિકેશન, પ્રોફાઇલિંગ અને મેચિંગ જેવી ઉચ્ચ તકનીકી તબક્કાઓ ઝડપથી અને ચોકસાઈથી પૂર્ણ કરવામાં આવ્યા. અત્યાર સુધી 265 સેમ્પલમાંથી માત્ર બે સેમ્પલ એવા રહ્યા છે જેમાં ફરીથી ટેસ્ટ કરવાની જરૂર પડી છે.

FSLના એક અધિકારીએ જણાવ્યું કે, “આ ઘટનામાં ઉપલબ્ધ સઘન વ્યવસ્થા, સમયસૂચક કાર્ય અને ટીમवर्कના કારણે આપણે DNA રિપોર્ટ મેળવવામાં વિલંબ થતા અટકાવ્યા છે. આવતીકાલે સવારે પ્રોફાઇલિંગ પ્રક્રિયા પૂરી થઇ જશે અને ગુરુવાર સાંજ સુધીમાં તમામ ઓળખ થયેલા મૃતદેહો પરિવારજનોને સોંપી શકાશે.”