Skip to content
રવિવાર, નવેમ્બર 22, 2026 Ahmedabad 27°C

રામનું સ્મરણ, ગાયન અને શ્રવણ એટલે સત્ય, પ્રેમ અને કરુણા એ રામકથાનો સાર

રામનું સ્મરણ, ગાયન અને શ્રવણ એટલે સત્ય, પ્રેમ અને કરુણા એ રામકથાનો સાર

ભક્ત કવિ નરસિંહ મહેતાની કૃષ્ણ સાક્ષાત્કારની ભૂમિ ગોપનાથ મહાદેવ સાનિધ્યમાં મોરારિબાપુના વ્યાસાસને રામકથા ‘માનસ ગોપનાથ’ વિરામ પામી. રામનું સ્મરણ, ગાયન અને શ્રવણ એટલે સત્ય, પ્રેમ અને કરુણા એ રામકથાનો સાર હોવાનું મોરારિબાપુએ કહ્યું.

રામચરિત માનસ ચોપાઈ પંક્તિઓ ‘ બિસ્વનાથ મમ નાથ પુરારી, ત્રિભુવન મહિમા બિદિત તુમ્હારી’ ‘નાથ કૃપા અબ ગયઉ બિષાદા, સુખી ભયઉ પ્રભુ ચરન પ્રસાદા…’ કેન્દ્રમાં રાખી ગોહિલવાડનાં ઐતિહાસિક તીર્થ સ્થાન ગોપનાથ મહાદેવ સાનિધ્યમાં મોરારિબાપુએ રામકથા વિરામ આપતાં બાલકાંડ પછીના અયોધ્યાકાંડ, અરણ્યકાંડ, કિષ્કિંધાકાંડ, સુંદરકાંડ વગેરેના કથા પ્રસંગો નિરૂપણ કરવા સાથે રામરાજ્યની સ્થાપના ક્થા ગાન પ્રસ્તુત કરી રામજીના ૧૪ વર્ષ વનવાસ બાદ રાજતિલકની કથા જણાવી તપસ્યા વગર રામરાજ્ય ન આવે તેમ કહ્યું અને છેલ્લે રામનું સ્મરણ, ગાયન અને શ્રવણ એટલે સત્ય, પ્રેમ અને કરુણા એ રામકથાનો સાર હોવાનું કહ્યું.

મોરારિબાપુએ નરસૈયાની રચના ‘બ્રહ્મ લટકા કરે બ્રહ્મ પાસે…’ સંદર્ભે એક જિજ્ઞાસુ પત્રનો અર્થ આપતાં સમજાવ્યું કે, વડીલો પાસે બાળકો, શિક્ષકો પાસે વિદ્યાર્થીઓ અને વક્તા પાસે શ્રોતાઓ એમ એક બીજા સાથે જે વ્યવહાર કરે છે તે બ્રહ્મ પાસે બ્રહ્મની જ ક્રિયા ગણાવી.

મોરારિબાપુએ યુવા શ્રોતાઓને આર્યસમાજના સ્વામી દયાનંદ સરસ્વતીજીના ‘સત્યાર્થ પ્રકાશ’ અભ્યાસ કરવા ભાર મૂકી સનાતન વૈદિક પરંપરામાં ચંચુપાત કરનારા અધર્મને જાકારો આપવા હાકલ કરી.

ભક્ત કવિ નરસિંહ મહેતાની કૃષ્ણ સાક્ષાત્કારની ભૂમિ ગોપનાથ મહાદેવ સાનિધ્યમાં રામકથા વિરામ આપતાં મોરારિબાપુએ રાષ્ટ્રદેવો ભવઃ તથા વંદે માતરમ્ નાદ કરાવી રાષ્ટ્રપ્રેમ ઉપર ભાર મૂક્યો. આ સાથે જ ગોપનાથ અને ગોપીનાથ કૃષ્ણને આ કથા સમર્પિત કરી.

આ કથામાં યજમાન તરીકે ભક્ત કવિ નરસિંહ મહેતાની જીવંત ચેતના રહેલ જ્યારે નિમિત્તમાત્ર મનોરથી રમાશંકર બાજોરિયા અને શુભોદય બાજોરિયા રહેલ, જેઓની દાનધર્મ ભાવના પ્રત્યે મોરારિબાપુએ રાજીપો વ્યક્ત કર્યો. આ સાથે ચોપાઈ, સ્તુતિ, ભજન, લોકગીત સાથે સંકીર્તન લાભ સૌએ મોજથી લીધો.

કથામાં ગોપનાથના બંને ગાદીપતિઓ સિતારામબાપુ અને આત્માનંદજી સરસ્વતી, સંતો મહંતો તથા મહાનુભાવોની પ્રેરક ઉપસ્થિતિ રહી. સમગ્ર વ્યવસ્થા સંકલનમાં ભરતભાઈ ચાંદ્રાણી અને ચીમનભાઈ વાઘેલા સાથે આ પંથકના ગામોના સ્વયંસેવક કાર્યકર્તાઓ મોટી સંખ્યામાં રહ્યા.

 

મૂકેશ પંડિત (ભાવનગર)

 

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

Filed under Bhavnagar Gujarat

Share this story

Latest News

View all
All latest news

Explore Districts

News from every corner of Gujarat.