વાવ થરાદ ધરણીધર તાલુકાના ચુવા ગામે રહેતા ગોસ્વામી પ્રવીણભારથી રામાભારથીએ વાવ પોલીસ મથકે કેરેલી લેખિત રજુઆત માં જણાવ્યું હતું કે, “મારે સંતાનમાં સાત દીકરીઓ છે જેથી મારા કુટુંબી પરિવારમાં થતા ભાઈયો તેમજ મારો નાનો સગો ભાઈ મળી કુલ ચાર જણાઓ એકસંપ થઈ તારીખ 24 મે ના રોજ અંદાજે ચારેક વાગ્યાની આસપાસ ગોસ્વામી પ્રકાશભારથી રામાભારથી અને ગોસ્વામી કાળુભારથી વિરમભાથી રહે ચુવા વાળાઓએ મને ફોન કરીને કહેલ કે અમારા ઘરે આવ તારૂ સામાજિક રીતે કામકાજ છે. ફોનમાં તેવું કહેતા હું ત્યાં ગયેલ ત્યારે ગોસ્વામી પ્રકાશભારથી રામાભારથી, ગોસ્વામી કાળુભારથી વિરમભારથી તેમજ ગોસ્વામી દલપતભારથી શંભુભારથી અને ગોસ્વામી ઈશ્વરભારથી શંભુભારથી બંને રહે ચારડા તાલુકો થરાદ વાળાઓ ત્યાં હાજર હતા ત્યારે મને કહેલ કે પ્રકાશભારથીને પત્ની લાવેલ છે જેના બદલામાં તારી દીકરીનું સામે સાટા પેટે સગપણ કરવાનું છે જેથી આ બાબતે મેં ના પાડતા આ ચારેય ઈસમો ઉશકેરાઈ જઈ મારા ઉપર હુમલાનો પ્રયાસ કરી માર માર્યો જેથી શરીર પર નાની મોટી ઈજાઓ પહોચાડી હતી અને મને જાનથી મારી નાખવાની ધમકીઓ આપી હતી”.
ગોસ્વામી પ્રવીણભારથી રામાભારથી રહે ચુવા તાલુકો ધરણીધર વાળાઓએ આ ચારેય ઈસમો સામે કડકમાં કડક કાર્યવાહી કરવા વાવ પોલોસ મથકે લેખિત રજુઆત કરી પોતે આ ચારેય ઈસમનોના વધુ પડતા ત્રાસથી આત્મહત્યા કરી જીવન ટૂંકાવવા મજબુર થવું પડતું હોય તે બાબતે સોશિયલ મીડિયામાં વિડીયો વાયરલ કરી આ ઈસમોને જન્મ ટીપની સજા થાય તેવું જણાવી રહ્યા છે.
દિકરીઓની સંખ્યા ઘટતી જતી હોવાથી અને ઓછી હોવાથી ઘણી જગ્યાએ “દિકરી સાટે દિકરીની” પ્રથા પડી જેને સાટા પ્રથા કહે છે; એટલે જે પરિવારમાંથી દિકરી પરણીને આવે તે જ પરિવારનાં કોઈ દિકરાને સામે દિકરી પરણાવવી!
આ પ્રથાનાં ઘણી વખતે કુપરિણામો પણ સામે આવતા હોય છે અને એનાં ઘણાં ઉદાહરણો સમાજમાં ઉપલબ્ધ છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
