રાજ્યભરમાંથી એક ચિંતાજનક અને ખેડૂતોની વેદના દર્શાવતા અહેવાલ સામે આવી રહ્યા છે. હાલમાં ખેતીની સીઝન પૂરજોશમાં ચાલી રહી છે, ત્યારે જગતનો તાત ડીઝલ મેળવવા માટે ભારે હાલાકીનો સામનો કરી રહ્યો છે. ટ્રેક્ટર અને અન્ય કૃષિ સાધનો માટે ડીઝલ લેવા ખેડૂતો જ્યારે પેટ્રોલ પંપ પર જાય છે, ત્યારે કેન (બાટલા)માં ડીઝલ આપવા પરના નિયંત્રણોને કારણે તેઓ ભારે મુશ્કેલીમાં મુકાયા છે.
ખેતીના કામો અધવચ્ચે અટકી પડ્યા છે. ખેડૂતો એક પંપથી બીજા પંપ પર ડીઝલ માટે ધક્કા ખાઈ રહ્યા છે.
કેનમાં ડીઝલ આપવા છૂટની માંગ: ખેડૂતોનું કહેવું છે કે ટ્રેક્ટર કે મોટા મશીનો વારંવાર પંપ સુધી લાવવા શક્ય નથી હોતા. ખેતરમાં જ મશીનરી ચલાવવા માટે કેનમાં ડીઝલ આપવું અનિવાર્ય છે.
ખેતી કઈ રીતે કરવી? એ મોટો સવાલ: જો તંત્ર દ્વારા કેનમાં ડીઝલ આપવાની તાકીદે છૂટ આપવામાં નહીં આવે, તો આગામી દિવસોમાં ખેતીના કામો ઠપ્પ થઈ જશે અને પાકને મોટું નુકસાન થવાની ભીતિ છે.
તંત્ર સામે ઉઠ્યા સવાલો: વહેલી તકે નિર્ણય લેવાય તે જરૂરી!
“જો અન્નદાતાને ખેતી કરવા માટે ડીઝલ જ નહીં મળે, તો દેશનું પેટ કોણ ભરશે? સ્થાનિક ખેડૂતો સરકાર અને વહીવટી તંત્ર પાસે માંગ કરી રહ્યા છે કે નિયમોમાં કૂણું વલણ દાખવીને તાત્કાલિક ધોરણે ખેડૂતોને કેનમાં ડીઝલ આપવાની મંજૂરી આપવામાં આવે.
આ બાબતે તંત્ર દ્વારા વહેલી તકે કોઈ સકારાત્મક અને યોગ્ય નિર્ણય લેવામાં આવે તે ખૂબ જ જરૂરી બન્યું છે, નહીં તો ખેડૂતોનો આક્રોશ વધુ ઉગ્ર બની શકે છે.
રિપોર્ટર :- સુરેશભાઈ બાગુલ (ડાંગ)
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
🔗 https://www.youtube.com/@oneindianewscom-Gujarat
🔗 https://www.youtube.com/@oneindianewscom
