સંવેદનશીલ હાસ્ય કલાકાર જાણીતા સમાજસેવી જગદીશ ત્રિવેદી દ્વારા દ્વારા સોનગઢ મફતનગર વિસ્તાર પ્રાથમિક શાળા અને પાલડીમાં સ્વામી અખંડઆનંદ માધ્યમિક શાળા ભવન માટે સખાવત મળી છે. અગ્રણીઓની ઉપસ્થિતિમાં આ ભવન માટે સાદગીભર્યા ઉપક્રમ સાથે મુહૂર્ત થયાં.
પોતાના હાસ્ય કાર્યક્રમો દ્વારા ભંડોળ એકત્ર કરી આરોગ્ય અને શિક્ષણ માટે સખાવત કરી રહેલ એવા સંવેદનશીલ હાસ્ય કલાકાર જાણીતા સમાજસેવી જગદીશ ત્રિવેદી દ્વારા સિહોર તાલુકાના સોનગઢ અને પાલડીમાં શાળા ભવન માટે સખાવત મળી છે.
દેશ વિદેશમાં કાર્યક્રમોના માધ્યમથી આરોગ્ય શિક્ષણ માટે મથતાં કલાકાર જગદીશ ત્રિવેદી દ્વારા આજે કોઈ પણ વધારાના ઉપક્રમ સન્માન સિવાય બંને ગામોમાં સોનગઢ મફતનગર વિસ્તાર પ્રાથમિક શાળા અને પાલડીમાં સ્વામી અખંડઆનંદ માધ્યમિક શાળા ભવન માટે શાળાની જ કન્યાના હસ્તે શ્રીફળ વધેરી આ સાદગી ભર્યા મુહૂર્ત થયાં.
સર્વત્ર સહયોગી બનતાં જગદીશ ત્રિવેદીએ કહ્યું કે, હું કોઈ ઉપકાર કરતો નથી, નિમિત્ત માત્ર છું, સન્માન કે અભિવાદન જરૂરી નથી એટલે સાદગીપૂર્ણ રીતે મુહૂર્ત કરી રહ્યાં છીએ. આ સાથે ખોડિયાર માતાજીના ધામ માટેલમાં સર્વોદય સેવા સંઘ શાળા માટે પણ મુહૂર્ત થયાનું તેઓએ જણાવ્યું. આમ ત્રણ શાળાઓનું નિર્માણ કાર્ય એક સાથે થશે.
આ બંને શાળાના પ્રસંગે શિક્ષણ વિભાગના નિવૃત્ત અધિકારી રમેશભાઈ ઉપાધ્યાય, સિહોર તાલુકા પ્રાથમિક શિક્ષણાધિકારી અજયભાઈ જોષી, કેળવણી નિરીક્ષક મનહરભાઈ ઉલવા, કલાકાર ધરમભાઈ વંકાણી, અગ્રણી અજયભાઈ શુક્લ, ગામના પંચાયત અગ્રણીઓ, કાર્યકર્તાઓ અને શિક્ષકો તથા વિદ્યાર્થીઓ દ્વારા આ નિર્માણ સંદર્ભે રાજીપો વ્યક્ત કર્યો છે.
મૂકેશ પંડિત (ભાવનગર)
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
