Skip to content
સોમવાર, નવેમ્બર 23, 2026 Ahmedabad 24°C

ભાવનગરમાં બુલડોઝર એક્શન : ઝુબૈર સહિત બુટલેગરોના ગેરકાયદે મકાનો ધરાશાયી

ભાવનગરમાં બુલડોઝર એક્શન : ઝુબૈર સહિત બુટલેગરોના ગેરકાયદે મકાનો ધરાશાયી

ભાવનગર શહેરમાં સ્થાનિક પ્રશાસન દ્વારા ગુનાહિત તત્વો સામે કડક કાર્યવાહી તરીકે મેગા ડિમોલિશન ડ્રાઈવ હાથ ધરવામાં આવી છે. શહેરમાં વધતી પ્રોહિબિશન અને અન્ય ગુનાહિત પ્રવૃત્તિઓને કાબૂમાં લેવા માટે પોલીસ અને પ્રશાસન સંયુક્ત રીતે આ અભિયાન ચલાવી રહ્યા છે.

આ કામગીરીનું નેતૃત્વ નિતેશ પાંડે  દ્વારા કરવામાં આવી રહ્યું છે. માહિતી અનુસાર, શહેરના આડોડીયા વિસ્તારમાં ચાર મહિલા બુટલેગર અને એક અન્ય ગંભીર ગુનામાં સંડોવાયેલા આરોપીના ગેરકાયદે બાંધકામ પર બુલડોઝર કાર્યવાહી કરવામાં આવી છે. સવારે શરૂ થયેલી આ કાર્યવાહીમાં એક મહિલા બુટલેગર સહિત બે મકાનો, તેમજ ગેરકાયદે ઉભી કરાયેલી 14 દુકાનો અને 7 ઓરડાઓને તોડી પાડવામાં આવ્યા છે.

આડોડીયા વિસ્તારમાં કામગીરી પૂર્ણ થયા બાદ પોલીસ અને પ્રશાસનની ટીમ હવે પ્રભુદાસ તળાવ વિસ્તાર ખાતે આગળની કાર્યવાહી માટે પહોંચી છે, જ્યાં આરોપી મોહમ્મદ ઝુબૈર શેખ સાથે જોડાયેલા ગેરકાયદે દબાણ દૂર કરવાની કાર્યવાહી હાથ ધરવામાં આવી રહી છે. આ સમગ્ર અભિયાનમાં શહેરના વિવિધ વિસ્તારોમાં ગેરકાયદે બાંધકામો સામે કાર્યવાહી ચાલુ રહેવાની શક્યતા વ્યક્ત કરવામાં આવી રહી છે.

આ મેગા ડિમોલિશન ડ્રાઈવ માટે સિટી ડીવાયએસપી, એલસીબી, ઘોઘા રોડ, બોરતલાવ અને ગંગાજલિયા પોલીસ સ્ટેશન સહિત 200થી વધુ પોલીસ જવાનોનો ચુસ્ત બંદોબસ્ત ગોઠવવામાં આવ્યો છે. સાથે જ મ્યુનિસિપલ કોર્પોરેશન, PGVCL અને ફાયર વિભાગનો સ્ટાફ પણ આ કામગીરીમાં જોડાયો છે.

શહેરમાં ચાલી રહેલી આ કાર્યવાહીથી સ્પષ્ટ થાય છે કે પ્રશાસન ગુનાહિત તત્વો સામે ઝીરો ટોલરન્સની નીતિ અપનાવી રહ્યું છે. સ્થાનિક સ્તરે કાયદો અને વ્યવસ્થા જાળવવા અને ગેરકાયદે બાંધકામોને દૂર કરવા માટે આવનારા દિવસોમાં આવી વધુ કાર્યવાહી હાથ ધરવામાં આવી શકે છે.

 

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

Filed under Bhavnagar Gujarat

Share this story

Latest News

View all
All latest news

Explore Districts

News from every corner of Gujarat.