મુખ્યમંત્રી ભૂપેન્દ્ર પટેલની અધ્યક્ષતામાં દિલ્હીમાં યોજાયેલી વાયબ્રન્ટ ગુજરાત રિજનલ કોન્ફરન્સ (VGRC) પૂર્વેની ઉચ્ચ સ્તરીય સંવાદ બેઠક રાજ્યના વિકાસ વિઝન અને વૈશ્વિક સહકારને વધુ મજબૂત બનાવવા માટે ઐતિહાસિક બની રહી. આ બેઠકમાં 45 દેશોના રાજદૂતો, ઉચ્ચ કમિશનરો અને મિશનના વડાઓ ઉપસ્થિત રહ્યા હતા, જેને કારણે આ સંવાદને વૈશ્વિક સ્તરે વિશિષ્ટ મહત્વ મળ્યું. મુખ્યમંત્રીએ જણાવ્યું કે ગુજરાત આજે 69 બિલિયન યુએસ ડોલરના સીધા વિદેશી મૂડીરોકાણ (FDI) સાથે તેમજ ભારતની કુલ નિકાસમાં 27% યોગદાન આપીને વૈશ્વિક અર્થતંત્રમાં પોતાની મજબૂત ઓળખ ઉભી કરી ચૂક્યું છે. વડાપ્રધાન નરેન્દ્ર મોદીના દિશાદર્શન હેઠળ શરૂ થયેલી વાયબ્રન્ટ ગુજરાત સમિટે રાજ્યને પરંપરાગત વેપારી રાજ્યમાંથી આગળ વધારીને ન્યુ એજ ઇન્ડસ્ટ્રીઝનું હબ બનાવી દીધું છે, જેમાં આર્ટિફિશિયલ ઇન્ટેલિજન્સ, સ્પેસ ટેક્નોલોજી, ફિનટેક, સેમિકન્ડક્ટર, ડિફેન્સ, એરોસ્પેસ, ઈલેક્ટ્રિક વ્હિકલ્સ અને ગ્રીન એનર્જી જેવા ફ્યુચરિસ્ટિક સેક્ટર્સમાં ગુજરાત દેશનું પથદર્શક બની રહ્યું છે.
Pleased to engage with diplomats from 45 nations and Government of India officials in New Delhi last evening at the Vibrant Gujarat Regional Conferences (VGRC) interaction meet.
Shared Gujarat’s roadmap of becoming a ‘New Age Industrial Hub’ in the guidance of Hon'ble PM Shri… pic.twitter.com/ewaCCktwLM
— Bhupendra Patel (@Bhupendrapbjp) September 5, 2025
ગુજરાતના ઔદ્યોગિક વિકાસ અને મજબૂત ઈન્ફ્રાસ્ટ્રક્ચર વિશે વિસ્તૃત વાત કરતાં મુખ્યમંત્રીએ જણાવ્યું કે રાજ્ય પાસે દેશનો સૌથી લાંબો 1600 કિલોમીટરનો દરિયાકિનારો, 49 પોર્ટ્સ અને પીએમ ગતિશક્તિ મલ્ટીમોડલ ટ્રાન્સપોર્ટ નેટવર્ક જેવી અદ્યતન સુવિધાઓ છે, જેના કારણે ગુજરાત માત્ર ઔદ્યોગિક નહીં પણ લોજિસ્ટિક્સ હબ તરીકે પણ સમગ્ર વિશ્વનું ધ્યાન ખેંચી રહ્યું છે. તેમણે VGRCના હેતુ વિશે વાત કરતાં કહ્યું કે આ પહેલ રાજ્યના દરેક વિસ્તાર સુધી MSME સેક્ટરને મજબૂત બનાવશે અને પ્રાદેશિક રીતે સંતુલિત વિકાસ માટે માર્ગદર્શક સાબિત થશે. VGRCનું થીમ “પ્રાદેશિક આકાંક્ષાઓ, વૈશ્વિક મહત્વાકાંક્ષાઓ” રાજ્યના ઈન્ટરનેશનલ વિઝનને સ્પષ્ટ કરે છે અને ગુજરાતને વૈશ્વિક રોકાણકારો માટે સૌથી વિશ્વસનીય પાર્ટનર તરીકે પ્રતિષ્ઠિત કરે છે.
આ પ્રસંગે વિદેશ મંત્રાલયના આર્થિક સંબંધો વિભાગના સચિવ સુધાકર દાલેલાએ VGRCને “વિકસિત ભારત @2047” અને “વિકસિત ગુજરાત @2047”ના લક્ષ્યો સાથે સંકળાયેલું એક મહત્વપૂર્ણ પગલું ગણાવ્યું. તેમણે ગુજરાત સરકારની આ પહેલની પ્રશંસા કરતાં કહ્યું કે આ મોડલ અન્ય રાજ્યો માટે પણ પ્રેરણાસ્રોત બની શકે છે. બેઠકમાં ગુજરાત સરકારના મુખ્ય સચિવ પંકજ જોશી, મુખ્યમંત્રીના અધિક મુખ્ય સચિવ એમ. કે. દાસ, ઉદ્યોગ અગ્ર સચિવ મમતા વર્મા તેમજ વિદેશ મંત્રાલયના સંયુક્ત સચિવ પી. એસ. ગંગાધર ઉપસ્થિત રહ્યા હતા. આ ઉપરાંત કેન્દ્ર અને રાજ્ય સરકારોના વરિષ્ઠ સચિવો તેમજ વિદેશી પ્રતિનિધિઓએ પણ હાજરી આપીને રાજ્યના વિકાસ મંત્ર પર વિશ્વાસ વ્યક્ત કર્યો હતો. આ બેઠકથી માત્ર ગુજરાત–વૈશ્વિક ભાગીદારીને જ નવી દિશા નહીં મળી પરંતુ રાજ્યને વૈશ્વિક રોકાણ અને નવીન ઉદ્યોગોના કેન્દ્ર તરીકે વધુ મજબૂત પાયા પણ મળ્યા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
