અયોધ્યામાં 22 જાન્યુઆરીના રોજ બની રહેલા ભવ્ય રામ મંદિરની પ્રાણ પ્રતિષ્ઠાની તૈયારીઓ પૂરજોશમાં ચાલી રહી છે. જેના માટે તમામ હસ્તીઓને આમંત્રણ મોકલવામાં આવી રહ્યા છે. વડાપ્રધાન નરેન્દ્ર મોદી સહિત દેશ અને વિશ્વના ઘણા VVIP મહેમાનો આ અભિષેક સમારોહમાં હાજરી આપે તેવી અપેક્ષા છે. ભગવાન શ્રી રામલલાનું ગર્ભગૃહ લગભગ તૈયાર છે. લાઇટિંગ-ફિટિંગનું કામ પણ પૂરું થઇ ગયું છે.
કન્યાકુમારી અને તમિલનાડુના કામદારો કરે છે કામ
રામ મંદિરમાં ગ્રાઉન્ડ ફ્લોરનું કામ લગભગ પૂર્ણ થઈ ગયું છે અને હવે દરવાજા તૈયાર થઈ રહ્યા છે. રામ મંદિરમાં 14 સુંદર દરવાજા મહારાષ્ટ્રથી લાવવામાં આવેલા સાગના લાકડામાંથી બનાવવામાં આવ્યા છે અને તેને તાંબાથી કોટિંગ કરવામાં આવી રહ્યા છે, ત્યારબાદ તેને સોનાથી જડવામાં આવશે. કન્યાકુમારી અને તમિલનાડુના હૈદરાબાદની કંપનીમાં કામ કરતા કામદારો કામ કરે છે.
સોનાજડિત દરવાજા થશે તૈયાર
દરવાજાઓની સુંદરતા અને વિશેષતાઓ સોનાથી જડેલી અને સુંદર કોતરણીવાળી ડિઝાઇન છે. દરવાજાઓને આખરી ઓપ આપવા માટે, તેને દિલ્હી મોકલવામાં આવ્યા છે જ્યાં તેમને કોટિંગ કરવામાં આવશે. આ દરવાજાઓ પર વૈભવનું પ્રતીક ગજ (હાથી), સુંદર વિષ્ણુ કમળ અને સ્વાગત મુદ્રામાં દેવીની છબીઓ છે. તેમજ ચારેય દરવાજા એકબીજાથી અલગ ડીઝાઇન ધરાવતા હશે. આ દરવાજા એલએનટી કંપની દ્વારા ડીઝાઇન કરવામાં આવ્યા છે. ગર્ભગૃહના દરવાજાની ઉંચાઈ 8 ફૂટ અને પહોળાઈ 12 ફૂટ છે. તેમજ જરૂરિયાત મુજબ દરવાજો અડધો બંધ કે આખો ખોલી શકાય છે.
લોખંડ અને સિમેન્ટના ઉપયોગ વગર મંદિરનું નિર્માણ
વાસ્તવમાં, મંદિર ઉત્તર ભારતની નાગર શૈલી પર બનાવવામાં આવી રહ્યું છે. જે ઉત્તર ભારતીય હિંદુ સ્થાપત્યની ત્રણ શૈલીઓમાંની એક છે. વાસ્તુશાસ્ત્ર અનુસાર, નાગર શૈલીના મંદિરોની ઓળખ તેના પાયાથી ઉપરના ભાગ સુધીના ચતુષ્કોણ સ્વરૂપ છે. ખાસ વાત એ છે કે નાગર શૈલીના મંદિરોમાં લોખંડ અને સિમેન્ટનો ઉપયોગ કરવામાં આવતો નથી. ભુવનેશ્વરમાં આવેલું લિંગરાજ મંદિર નાગર શૈલીનું ઉત્તમ ઉદાહરણ છે. તેમજ ચારેય દિશામાં પ્રવેશદ્વાર બનાવવામાં આવ્યા છે. તમામ ગેટ પર ભારતીય સંસ્કૃતિની ઝાંખી થશે.
ગર્ભગૃહ મકરાણા આરસમાંથી કોતરવામાં આવ્યું છે
પાંચ પેવેલિયનના ગુંબજની ઊંચાઈ 32 ફૂટ અને પહોળાઈ 34 ફૂટની છે. તેમજ પ્રાંગણથી ઊંચાઈ 69 ફૂટથી 111 ફૂટ સુધીની છે. મંદિરની લંબાઈ 380 ફૂટ, પહોળાઈ 250 ફૂટ અને પહોળાઈ 250 ફૂટ અને પ્રાંગણની ઊંચાઈ 161 ફૂટ છે. સમગ્ર ગર્ભગૃહ મકરાણા આરસમાંથી કોતરવામાં આવ્યું છે. મંદિરમાં 392 સ્તંભ છે. તેમજ 2100 કિલો વજન ધરાવતી 6 ફૂટ ઊંચી અને 5 ફૂટ પહોળી ઘંટડી ઘંટા ઘુંઘરુ-ઘંટી નગરી તરીકે પ્રખ્યાત જાલેસરમાં તૈયાર કરવામાં આવી છે. જેની કિંમત રૂ. 25 લાખ છે.
30 ડીસેમ્બરે થશે એરપોર્ટનું ઉદ્ઘાટન
અયોધ્યામાં શ્રી રામ એરપોર્ટ લગભગ તૈયાર છે. પીએમ મોદી 30 ડિસેમ્બરે અયોધ્યામાં એરપોર્ટનું ઉદ્ઘાટન કરશે. પ્રાણ પ્રતિષ્ઠા સમારોહ પહેલા એરપોર્ટને ચાલુ કરવાની યોજના હતી અને તે નિર્ધારિત સમય પહેલા પૂર્ણ થઈ રહી છે. ગુરુવારે અયોધ્યામાં ચાલી રહેલા વિવિધ વિકાસ કાર્યોની સમીક્ષા કરતા મુખ્યમંત્રી યોગી આદિત્યનાથે વહીવટીતંત્રને કોઈપણ સમસ્યાને ટાળવા માટે હોટલના તમામ એડવાન્સ બુકિંગ રદ કરવાનો નિર્દેશ આપ્યો હતો.
મંદિરની પ્રાણ પ્રતિષ્ઠા માટે હાઇવે પણ શણગારવામાં આવશે
આ ઉપરાંત હાઈવેથી નયાઘાટ તરફ આવતા ધરમપથની સજાવટ પણ વડાપ્રધાનના આગમનને ધ્યાનમાં રાખીને આકર્ષક રાખવામાં આવશે. એરપોર્ટથી નયાઘાટ સુધીના રસ્તાને ફોર લેન રોડની જેમ આકર્ષક ફૂલોથી શણગારવામાં આવશે. સુલતાનપુર રોડથી એરપોર્ટ સુધી શણગારવામાં આવ્યો છે. તેમજ સ્વચ્છતા પર વિશેષ ધ્યાન આપવું પડશે.
