પ્રધાનમંત્રી નરેન્દ્ર મોદીને ગુયાના (Guyana) દ્વારા તેમના સર્વોચ્ચ રાષ્ટ્રીય સન્માન **’ઓર્ડર ઓફ એક્સલન્સ’**થી નવાજવામાં આવ્યા છે. રાષ્ટ્રપતિ ડો. ઈરફાન અલી દ્વારા આ સન્માન વડાપ્રધાન મોદીને તેમની આગેવાનીમાં ભારત અને ગુયાના વચ્ચે વધતા દ્વિપક્ષીય સંબંધો અને વૈશ્વિક સ્તરે ભારતના દ્રષ્ટિકોણના પ્રભાવ માટે અપાયું છે.
વડાપ્રધાન મોદીએ આ ગૌરવશાળી ક્ષણની માહિતી સોશિયલ મીડિયા પ્લેટફોર્મ ‘X’ પર શેર કરી છે. તેમણે એક વીડિયો પોસ્ટ કરીને ગુયાનાના આ સન્માનને ભારતના 140 કરોડ લોકો માટેની ઓળખ ગણાવી છે અને રાષ્ટ્રપતિ ડો. ઈરફાન અલીનો આભાર વ્યક્ત કર્યો છે.
આ સન્માન ભારતીય સમુદાયની સંસ્કૃતિ અને બંને દેશો વચ્ચેના ઐતિહાસિક જોડાણને પણ ઉજાગર કરે છે, જે ખાસ કરીને ગુયાનાના ઈન્ડો-ગુયાનિઝ સમુદાય સાથે સન્માનિત છે.
આ ઘટના ભારત અને કેરિબિયન પ્રદેશના દેશો વચ્ચે વધી રહેલા દક્ષિણ-દક્ષિણ સહકારના ઉદાહરણરૂપ છે.
‘અમે સતત દરેક દિશામાં આગળ વધી રહ્યા છીએ’
વડાપ્રધાન નરેન્દ્ર મોદીએ જણાવ્યું કે, ‘ભારત અને ગુયાના સંબંધો આપણા સહિયારા ઈતિહાસ, સાંસ્કૃતિક વારસો અને ઊંડા પરસ્પર વિશ્વાસ પર આધારિત છે. રાષ્ટ્રપતિ ઈરફાન અલીએ વ્યક્તિગત રીતે આ સંબંધોને અભૂતપૂર્વ ઊંચાઈઓ પર લઈ જવામાં મોટું યોગદાન આપ્યું છે, તેમના નેતૃત્ત્વમાં અમે સતત દરેક દિશામાં આગળ વધી રહ્યા છીએ.’
Sincerely thank President Dr. Irfaan Ali, for conferring upon me Guyana's highest honour, 'The Order of Excellence.' This is a recognition of the 140 crore people of India. https://t.co/SVzw5zqk1r
— Narendra Modi (@narendramodi) November 21, 2024
ગુયાના સાથેના સંબંધો અંગે વડાપ્રધાન મોદીએ કહ્યું કે, ‘આજની ચર્ચામાં મને ભારતના લોકો પ્રત્યેનો તેમનો સ્નેહ અને સન્માન લાગ્યું. ભારત પણ દરેક ક્ષેત્રમાં ગુયાના સાથે ખભે ખભા મિલાવીને ચાલવા તૈયાર છે. બે લોકશાહી તરીકે અમારો સહયોગ માત્ર દ્વિપક્ષીય સંબંધો માટે જ નહીં, પરંતુ સમગ્ર વૈશ્વિક દક્ષિણ માટે મહત્ત્વપૂર્ણ છે.’
Gratitude to President Sylvanie Burton of Dominica for conferring the 'Dominica Award of Honour' upon me. This honour is dedicated to my sisters and brothers of India. It is also indicative of the unbreakable bond between our nations. pic.twitter.com/Ro27fpSyr3
— Narendra Modi (@narendramodi) November 20, 2024
ડોમિનિકાએ વડાપ્રધાન મોદીને કોરોના મહામારી દરમિયાન કેરેબિયન રાષ્ટ્રને મદદ કરવામાં તેમના યોગદાન અને બંને દેશો વચ્ચે દ્વિપક્ષીય ભાગીદારીને વધારવા માટેના તેમના સમર્પણ માટે દેશના ટોચના એવોર્ડથી સન્માનિત કર્યા હતા. વડાપ્રધાન મોદીને બુધવારે (20મી નવેમ્બર) ભારત-CARICOM સમિટ દરમિયાન ડોમિનિકાના પ્રમુખ સિલ્વેની બર્ટન દ્વારા “ડોમિનિકા એવોર્ડ ઓફ ઓનર” આપવામાં આવ્યો હતો.
