ખેડા જિલ્લા પોલીસ દ્વારા નાગરિકો/અરજદારોને ઝડપી અને પારદર્શક સેવા મળી રહે તે માટે દરેક પોલીસ સ્ટેશનમાં શરૂ કરવામાં આવેલ એપ્લિકેશન મેનેજમેન્ટ સિસ્ટમ (Application Management System – AMS) પ્રોજેક્ટને રાષ્ટ્રીય સ્તરે મોટી સફળતા મળી છે.
નાગરિકોની ફરિયાદો અને અરજીઓના ઝડપી નિરાકરણ સાથે પોલીસ સેવાઓને વધુ પારદર્શક બનાવવા ખેડા જિલ્લા પોલીસે આ પ્રોજેક્ટ અમલમાં મૂક્યો હતો. આ નવતર પહેલ અને તેના સફળ અમલીકરણને ધ્યાને લઈ દિલ્હી ખાતે આયોજિત એક ભવ્ય સમારોહમાં ખેડા જિલ્લા પોલીસને પ્રતિષ્ઠિત SKOCH Award થી સન્માનિત કરવામાં આવી છે.
આ પ્રોજેક્ટના મુખ્ય ઉદ્દેશો અને સિદ્ધિઓ:
* ઝડપી કામગીરી: પોલીસ સેવાઓને વધુ ઝડપી બનાવવી અને અરજદારોનો સમય બચાવવો.
* પારદર્શિતા: પોલીસ સેવાઓને વધુ પારદર્શક બનાવતા નાગરિકોમાં વિશ્વાસ વધે.
* સુઘડ અમલીકરણ: દરેક પોલીસ સ્ટેશનમાં Application Management System (AMS) પ્રોજેક્ટનું સફળ સંચાલન.
આ રાષ્ટ્રીય સ્તરના સન્માનથી ખેડા જિલ્લા પોલીસની આધુનિક ટેકનોલોજીના ઉપયોગ દ્વારા જનસેવામાં સુધારો લાવવાની પ્રતિબદ્ધતા વધુ મજબૂત બની છે. જિલ્લા પોલીસ આગામી સમયમાં પણ નાગરિક કેન્દ્રિત સેવાઓને વધુ અસરકારક બનાવવા પ્રયત્નશીલ રહેશે.
રિપોર્ટર – યેશા શાહ (ખેડા)
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
