ખેડા જિલ્લામાં સ્થાનિક સ્વરાજ્યની ચૂંટણી 2026ને લઈ ભાજપ દ્વારા ઉમેદવારોની પસંદગી પ્રક્રિયામાં મહત્વપૂર્ણ પગલું ભરાયું છે. નડિયાદ ખાતે કમલમ કાર્યાલયમાં નિરીક્ષકોની હાજરીમાં સેન્સ પ્રક્રિયા શરૂ કરવામાં આવી, જેમાં વિવિધ સ્તરની બેઠકો માટે મોટી સંખ્યામાં દાવેદારો ઉપસ્થિત રહ્યા.
નડિયાદ મહાનગરપાલિકાના વોર્ડ નંબર 1 થી 6 માટે ઉમેદવારોની સેન્સ લેવામાં આવી હતી. આ પ્રક્રિયામાં નિરીક્ષક તરીકે અંજુબેન વેકરીયા (પ્રદેશ પ્રમુખ, મહિલા મોરચો), મારુતિસિંહ અટોદરીયા (પ્રદેશ કારોબારી સદસ્ય) અને શિલ્પેશભાઈ દેસાઈ (પ્રદેશ ચૂંટણી સમિતિ સદસ્ય) હાજર રહ્યા હતા.
સાથે જ તાલુકા અને જિલ્લા પંચાયતની બેઠકો માટે પણ સેન્સ પ્રક્રિયા હાથ ધરાઈ હતી. ઠાસરા તાલુકા પંચાયત માટે અરવિંદભાઈ રાણા (ધારાસભ્ય, સુરત), દર્શીનીબેન કોઠીયા (પૂર્વ પ્રદેશ મંત્રી) અને યોગેશભાઈ પટેલ (પૂર્વ જિલ્લા પ્રમુખ, ભરૂચ) દ્વારા ઉમેદવારોની સેન્સ લેવામાં આવી હતી.
આ સેન્સ પ્રક્રિયામાં ઠાસરા અને ગળતેશ્વર તાલુકા પંચાયત તેમજ જિલ્લા પંચાયતની બેઠકો માટે મોટી સંખ્યામાં દાવેદારો ઉમટી પડ્યા હતા. ઠાસરા તાલુકાની પાંચ જિલ્લા પંચાયત સીટ અને ગળતેશ્વર તાલુકાની ત્રણ જિલ્લા પંચાયત સીટ માટે ઉમેદવારોની સેન્સ પ્રક્રિયા પૂર્ણ કરવામાં આવી હતી.
આ સમગ્ર પ્રક્રિયા ભાજપ દ્વારા સ્થાનિક સ્વરાજ્યની ચૂંટણી માટે યોગ્ય ઉમેદવારોની પસંદગી તરફનું મહત્વપૂર્ણ પગલું માનવામાં આવી રહ્યું છે.
આ સેન્સ પ્રક્રિયામાં ખેડા જિલ્લા સંગઠન પ્રભારી રમેશભાઈ દેસાઈ, ખેડા જિલ્લા સંગઠન પ્રમુખ નયનાબેન પટેલ, નડિયાદ મહાનગરપાલિકા ચૂંટણી ઇન્ચાર્જ વિકાસ જે. શાહ તથા સહ ઇન્ચાર્જ હિતેશભાઈ પટેલ (બાપાલાલ) ની આગેવાનીમાં આયોજન કરવામાં આવ્યું હતું.
રિપોર્ટર – યેશા શાહ (ખેડા)
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
