ખેડા જિલ્લાના ડાકોર ખાતે ગુજરાત ભાજપ પ્રદેશ પ્રમુખ જગદીશભાઈ વિશ્વકર્માએ ભગવાન રણછોડરાયજીના ચરણોમાં શીશ ઝુકાવી આશીર્વાદ મેળવ્યા હતા. દર્શન બાદ તેઓ ડાકોરના પુનિત આશ્રમ ખાતે આયોજિત ‘મહિલા સન્માન’ કાર્યક્રમમાં ઉપસ્થિત રહ્યા હતા.
આ કાર્યક્રમ આંતરરાષ્ટ્રીય મહિલા દિવસ નિમિત્તે યોજવામાં આવ્યો હતો, જેમાં ખેડા જિલ્લા ભાજપ પ્રમુખ નયનાબેન પટેલ સહિત મોટી સંખ્યામાં મહિલા કાર્યકરો અને અગ્રણીઓ હાજર રહ્યા હતા.
કાર્યક્રમ દરમિયાન સંબોધન કરતા જગદીશભાઈએ રમતગમત ક્ષેત્રે ગુજરાતના ગૌરવની વાત કરી હતી. તેમણે અમદાવાદમાં રમાઈ રહેલી ફાઈનલ મેચનો ઉલ્લેખ કરતા જણાવ્યું હતું કે, નડિયાદનો દીકરો અક્ષર પટેલ મેદાનમાં શાનદાર પ્રદર્શન કરી ખેડા જિલ્લા અને સમગ્ર ગુજરાતનું નામ રોશન કરી રહ્યો છે. તેમણે ઉપસ્થિત તમામ મહિલાઓને ભારતીય ટીમની જીત માટે પ્રાર્થના કરવા અપીલ કરી હતી.મહિલા સન્માન વિશે વાત કરતા તેમણે ભારતના રાષ્ટ્રપતિ દ્રૌપદી મુર્મુજીનું ઉદાહરણ આપ્યું હતું.
મહિલા સન્માનના આ કાર્યક્રમની પૂર્ણાહુતિ બાદ માધવબાગ ખાતે ‘ટિફિન બેઠક’નું સુંદર આયોજન કરવામાં આવ્યું હતું. આ બેઠકમાં જગદીશભાઈ વિશ્વકર્માએ ભાજપના પાયાના કાર્યકર્તાઓ અને સ્થાનિક અગ્રણીઓ સાથે બેસીને ભોજન લીધું હતું અને પક્ષના સંગઠનલક્ષી વિષયો પર ચર્ચા કરી હતી.
આ પ્રસંગે કેબિનેટ મંત્રી રમણભાઈ સોલંકી, રાજ્યકક્ષા મંત્રી સંજયસિંહ માહિદ, ભાજપ પ્રદેશ મહામંત્રી હિતેન્દ્રસિંહ ચૌહાણ, અજયભાઈ બ્રહ્મભટ્ટ, ખેડા જિલ્લા પ્રભારી રમેશભાઈ દેસાઈ સહિત જિલ્લાના ધારાસભ્યો સહિત જિલ્લા તથા મંડળ ના પદાધિકારીઓ ઉપસ્થિત રહ્યા.
યેશા શાહ
અમારી યુટ્યુબ ચેનલને લાઈક કરો, શેર કરો અને સબસ્ક્રાઈબ કરો
Like, Share and Subscribe our YouTube channel
