ખેડા જિલ્લાના નડિયાદના ધારાસભ્ય પંકજભાઈ દેસાઈ અને નવદુર્ગા નવરાત્રિ મહોત્સવ 2024 દ્વારા દીકરીઓને પાસનું રિફંડ આપવાની ધારાસભ્ય પંકજભાઈ દેસાઈ નાં વરદ હસ્તે શુભ શરૂઆત કરવામાં આવી.
તા. 1 સપ્ટેમ્બર 2024 થી લઈને 27 સપ્ટેમ્બર 2024 સુધી જે દીકરીઓએ નવદુર્ગા નવરાત્રિ મહોત્સવનાં પાસ ઓનલાઇન બુકિંગમાં ખરીદેલ તેવી દીકરીઓએ રજિસ્ટ્રેશન સ્લીપ અને આધાર કાર્ડની ઝેરોક્ષ નવદુર્ગા નવરાત્રી મહોત્સવ ઓફિસ, મટકા ખીચડીની બાજુમાં આવેલ ઓફિસ ખાતે સવારે 10:00 થી સાંજે 7:00 સુધી રજૂ કરી આ રિફંડ મેળવી શકાશે. આ પ્રસંગે પ્રજ્ઞેશભાઈ, હેમાંગભાઈ, વંદનભાઈ, નંદનભાઈ, વિનયભાઈ, તપનભાઈ, સહિત નવદુર્ગા નવરાત્રિ મહોત્સવના આયોજકો ઉપસ્થિત રહ્યા હતા.
