વડાપ્રધાન નરેન્દ્ર મોદીએ G7 શિખર સંમેલનમાં સંબોધન કરી ભારતના 4A ફોર્મ્યુલા, ઊર્જા સુરક્ષા અને આર્ટિફિશિયલ ઈન્ટેલિજન્સ (AI) સહિત અનેક મુદ્દા રજૂ કર્યા છે. G7 આઉટરીચ સત્રમાં બોલતા વડાપ્રધાન મોદીએ કહ્યું કે, ટેકનોલોજી પ્રત્યે ભારતનો દ્રષ્ટિકોણ માન્વ કેન્દ્ર પર આધારીત છે. સત્રમાં તેમણે ભારતના 4A સિદ્ધાંતોનો ઉલ્લેખ કરી વિશ્વને એક મહત્ત્વનો સંદેશ આપ્યો હતો.
ભારતના વિદેશ મંત્રાલ
કેનેડાના PMએ આમંત્રણ આપતા PM મોદી આભાર માન્યો
યે કહ્યું કે, કેનેડાના વડાપ્રધાન માર્ક કાર્નીને આમંત્રણ આપતા વડાપ્રધાન મોદીએ તેમનો આભાર માન્યો છે અને G7 ગ્રુપની 50મી વર્ષગાઠ નિમિત્તે અભિનંદન પાઠવ્યા છે. તેમણે કહ્યું છે કે, ‘આવનારી પેઢી માટે ઊર્જા સુરક્ષા સૌથી મોટા પડકારોમાંથી એક છે.’
PM મોદીએ G7 સત્રમાં ભારતનો 4A સિદ્ધાંત રજૂ કર્યો
મંત્રાલયના જણાવ્યા મુજબ, વડાપ્રધાન નરન્દ્ર મોદીએ G7 આઉટરીચ સત્રમાં ભારતનો 4A દ્રષ્ટિકોણ રજૂ કર્યો હતો. તેમણે કહ્યું કે, ભારતની સમાવેશી વિકાસ પદ્ધતિ ‘ઉપલબ્ધતા’, ‘પહોંચ’, ‘ટકાઉપણું’ અને ‘સ્વીકૃતિ’ જેવા ચાર સિદ્ધાં પર આધારીત છે. ભારત વિશ્વની સૌથી ઝડપી ગતિએ વધતી અર્થવ્યવસ્થા છે, છતાં ભારતે સમય પહેલા જ પેરિસ સમજૂતીના લક્ષ્યોને પૂરી કરી લીધા છે.
કૌશલ્યો અને નવીનતા વધારતું ઉપકરણ બની ગયું છે AI
પીએમ મોદીએ નવી ટેકનોલોજી સંબંધીત પડકારોનો પણ ઉલ્લેખ કર્યો છે. તેમણે કહ્યું કે, આર્ટિફિશિયલ ઈન્ટેલિજન્સ (AI) અને ઊર્જાના અરસપરસના સંબંધોનો ઉલ્લેખ કરીને કહ્યું કે, એઆઈ કૌશલ્ય અને નવીનતાને પ્રોત્સાહન આપતું ઉપકરણ બની ગયું છે, આ ઉપરાંત AI ઊર્જાનો વપરાશ પણ બની ગયો છે. તેથી આપણે તેને સ્વચ્છ અને ટકાવપણું બનાવવું પડશે.
મોદી અને મેલોની વચ્ચે મુલાકાત
આજના શિખર સંમેલનમાં વડાપ્રધાન મોદી અને ઈટાલીના વડાંપ્રધાન જ્યોર્જિયા મેલોની વચ્ચે મુલાકાત થઈ હતી. આ દરમિયાન મેલોનીએ પીએમ મોદીને કહ્યું છે કે, ‘તમે સર્વશ્રેષ્ઠ છો. હું તમારા જેવી બનવાનો પ્રયત્ન કરી રહી છું.’ વડાપ્રધાન મોદીએ પણ હસતાં ચહેરે ઈટાલીના વડાંપ્રધાનને જવાબ આપ્યો હતો. પીમ મોદીએ સોશિયલ મીડિયા પ્લેટફોર્મ એક્સ પર મેલોની સાથેની મુલાકાતની તસવીર શેર કરી છે. તેમણે લખ્યું છે કે, ‘ભારત અને ઈટાલી વચ્ચેની મિત્રતા વધુ મજબૂત થશે, જેનાથી આપણા લોકોને અનેક લાભ થશે.’ વિશ્વના બે મોટા નેતાઓ વચ્ચેની મુલાકાત બે દેશો વચ્ચે મજબૂત રાજદ્વારી સંબંધો દર્શાવી રહયા છે. બંને નેતાઓએ વાતચીત વખતે સ્થિરતા, ઊર્જા અને ઉદ્યોગ જેવા સેક્ટરમાં ભાગીદાર કરવાના પ્રયાસ પર ભાર મૂક્યો હતો.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
🔗 https://youtube.com/@user-oneindianews?feature=shared
