દિવાળીના તહેવાર બાદ હાલ છઠનો તહેવાર ચાલી રહ્યો છે. ફેસ્ટિવલ સિઝનને જોતા આ વખતે ભારતીય રેલવે દ્વારા મુસાફરો માટે મોટા પ્રમાણમાં ફેસ્ટિવલ ટ્રેનો ચલાવવામાં આવી હતી. ત્યારે નવી દિલ્હીથી પટના વંદે ભારત સ્પેશિયલ ટ્રેન કે જે પહેલા 20 નવેમ્બર સુધી ચાલવાની હતી, તેને હવે આગળ લંબાવવામાં આવી છે. એટલે કે હવે તે 30 નવેમ્બર સુધી ચાલશે.
જે મુસાફરો બિહારથી પરત આવવા માંગે છે તેઓ હવે આ ટ્રેન મારફતે 30 નવેમ્બર સુધી દિલ્હી પરત ફરી શકે છે. 22, 24, 27 અને 29 નવેમ્બરે આ વંદે ભારત ટ્રેન નવી દિલ્હીથી પટના જવા રવાના થશે. અને 23, 25, 28 અને 30 નવેમ્બરે દિલ્હી પરત ફરશે.
નવી દિલ્હી – પટના વંદે ભારત સ્પેશિયલ ટ્રેન દિલ્હીથી વહેલી સવારે 8.25 વાગ્યે ઉપડશે અને 8.30 વાગ્યે પટના પહોંચશે. બીજા દિવસે આ ટ્રેન પટનાથી સવારે 7.30 વાગ્યે ઉપડશે અને સાંજે 7 વાગ્યે દિલ્હી પરત ફરશે.
