શ્રી કટલરી કરિયાણા મર્ચન્ટ એસોસિએશન મોડાસાના સુવર્ણજયંતી વર્ષ નિમિત્તે શરદ પૂર્ણિમા નો કાર્યક્રમ યોજાયો

શ્રી કટલરી કરિયાણા મર્ચન્ટ એસોસિએશન મોડાસા દ્વારા દર વર્ષની જેમ ચાલુ વર્ષે સુવર્ણ જયંતી વર્ષ ઊજવણી ના ભાગ રૂપે શરદ પૂર્ણિમા ઉત્સવ મોડાસા ના સોમનાથ મહાદેવના પ્લોટમાં યોજવામાં આવ્યો હતો. ઉત્સવની શરૂઆત માતાજી ની આરતી થી કરવામાં આવી હતી આ કાર્યક્રમમાં સી.ઈ.બી. ઈસ્માઈલભાઈ જે દાદુ ચેરમેન પંકજભાઈ બી બુટાલા, એસોસિયેનના પ્રમુખ રમણભાઇ જે પ્રજાપતિ, મોડાસા નગરપાલિકાના પ્રમુખ નીરજ બી શેઠ, મોડાસાના જાણીતા તબીબ ડૉ પ્રકાશભાઈ ગાંધી, જાણીતા પત્રકાર રાજાબાબુ, ભાવસાર સમાજ ના પ્રમુખ પ્રકાશભાઈ ભાવસાર નું ફુલ છડી થી સ્વાગત કરવામાં આવ્યું હતું. એસોસિએશનના મંત્રી મુકુન્દકુમાર એસ શાહ, ઉપપ્રમુખ શ્રી નરેન્દ્ર ભાઈ શાહ અને પ્રવીણભાઈ પટેલ સહમંત્રી શ્રી મનીષભાઈ ભાવસાર અને નયનભાઈ કોઠારી, ખજાનચી શ્રી જયેશભાઈ ગાંધી, તથા સલાહકાર બોર્ડના સૌ સભ્યશ્રીઓ, કારોબારી સભ્યશ્રીઓ કપલમાં હાજર રહ્યાં હતાં. આ કાર્યક્રમમાં 200 ઉપરાંત સભ્યશ્રીઓ હાજર રહ્યા હતા. શરદ ઉત્સવના આ કાર્યક્રમમાં તમામ સભ્યો એ ગરબાની મોજ માણી હતી અને સાથે સાથે દૂધપૌવાને બટાકાવાળા ની લહેજત માણી હતી. સમગ્ર કાર્યક્રમનું સંચાલન સેક્રેટરી મુકુન્દ એસ. શાહે કર્યું હતું. કાર્યક્રમ દરમિયાન મંડળીના મેનેજર નરેશભાઈ તથા સ્ટાફનો અને સોમનાથ મહાદેવ ટ્રસ્ટ ના સૌ હોદ્દેદારોનો સુંદર સહયોગ પ્રાપ્ત થયો હતો.