અંજીરમાં ફાઈબર, કેલ્શિયમ, મેગ્નેશિયમ, પોટેશિયમ, ફોસ્ફોરસ, વિટામિન-ઈ,એ,બી,કે જેવા જરૂરી ઘણા પોષક તત્વો મળી આવે છે. અંજીરને રાત્રે પલાળીને સવારે તેનું સેવન કરવું ખૂબ જ ફાયદાકારક માનવામાં આવે છે. સાથે જ તેનું પાણી પણ આપણા સ્વાસ્થ્ય માટે ખૂબ જ ફાયદાકારક છે.
સવારે ખાલી પેટે અંજીરનું પાણી પીવાથી પાચનતંત્ર મજબૂત રહે છે. હકીકતે અંજીરમાં ફાઈબર હોય છે જે પાચન તંત્રને વધારે સારૂ બનાવવામાં મદદ કરે છે અને કબજિયાત જેવી સમસ્યાથી રાહત આપે છે.
અંજીરમાં પ્રાકૃતિક શુગર હોય છે જે સવારના સમયે ઉર્જા પ્રદાન કરે છે અને આખો દિવસ એનર્જીથી ભરપૂર રહેવામાં મદદ કરે છે.
અંજીરના પાણીમાં ઘણા એન્ટીઓક્સીડેન્ટ્સ હોય છે જે શરીરમાંથી ફ્રી રેડિકલ્સથી લડવામાં મદદ કરે છે. જેનાથી શરીરને રોગ પ્રતિકારક ક્ષમતાને વધારવામાં મદદ મળે છે.
અંજીરમાં પોટેશિયમ મળી આવે છે જે બ્લેડ પ્રેશરને નિયંત્રિત કરવામાં મદદ કરે છે અને હાર્ટની બિમારીઓના જોખમને ઓછુ કરે છે.
અંજીરના પાણીમાં કેલ્શિયમ અને મેગ્નેશિયમ મળી આવે છે જે હાડરાને મજબૂત કરવામાં મદદ કરે છે. તેના સેવનથી ઓસ્ટિયોપોરેસિસ જેવી સમસ્યાથી બચી શકાય છે.
