રાજસ્થાન વિધાનસભા ચૂંટણીના પરિણામો આવવામાં હવે ગણતરીના થોડાક જ કલાકો જ બાકી રહ્યાં છે. મતગણતરી પૂર્વે રાજ્સ્થાનના પૂર્વ મુખ્યમંત્રી વસુંધરા રાજે સિંધિયા સંપૂર્ણ રીતે સક્રિય છે. મતદાન બાદથી એવું કહેવામાં આવી રહ્યું છે કે, તેઓ જયપુરમાં કેમ્પ કરી રહ્યા છે. તેઓ સતત પાર્ટીના અનેક નેતાઓને મળી રહી છે અને તેમની નજીકના અપક્ષ અને બળવાખોર ઉમેદવારો સાથે પણ મીટિંગ ચાલુ રાખી રહી છે. મતગણતરી પહેલા તે ઋષિ-મુનિઓના આશીર્વાદ પણ લઈ રહી છે. આજે તે બાલાજીના દર્શન માટે મહેંદીપુર પહોંચી હતી.
રાજસ્થાન વિધાનસભા ચૂંટણીના પરિણામો આવતીકાલ રવિવારે 3 ડિસેમ્બરે જાહેર થવા જઈ રહ્યા છે. મત ગણતરી પહેલા પૂર્વ મુખ્યમંત્રી વસુંધરા રાજેની ગતિવિધિઓને લઈને ઘણી ચર્ચા થઈ રહી છે. શુક્રવારે વસુંધરા રાજે, રાજ્યપાલ કલરાજ મિશ્રાને મળી હતી. આ મુલાકાત દરમિયાન બન્ને વચ્ચે વિવિધ પાસાઓ પર ચર્ચા થઈ હોવાનું કહેવાય છે. આ બેઠકને લઈને રાજકીય અટકળો પણ ચાલી રહી છે, પરંતુ પૂર્વ મુખ્યમંત્રીવસુંધરા રાજેએ આ અટકળો પર કોઈ ટિપ્પણી કરી નથી.
आज जयपुर के मोती डूंगरी मंदिर में एकदंत भगवान श्री गणेश जी की पूजा-अर्चना कर प्रदेश की सुख-समृद्धि एवं खुशहाली की कामना की।
जय हो गणेश !#MotiDungriGaneshji pic.twitter.com/5BEpAZD9pQ
— Vasundhara Raje (@VasundharaBJP) December 2, 2023
રાજે આરએસએસના નેતાઓને પણ મળ્યા હતા
વસુંધરા રાજેએ જયપુરમાં ભારતી ભવનમાં રાષ્ટ્રીય સ્વયંસેવક સંઘના વરિષ્ઠ અધિકારીઓ સાથે બેઠક પણ કરી હતી. ખાસ કરીને ચૂંટણી પરિણામોને ધ્યાનમાં રાખીને આ બેઠકને મહત્વપૂર્ણ માનવામાં આવી રહી છે. આજે શનિવારે સવારે પુષ્ય નક્ષત્રના શુભ અવસર પર રાજેએ મોતીડુંગરી ગણેશ મંદિરની મુલાકાત લીધી હતી. તેમણે ભગવાન ગણેશના આશીર્વાદ લીધા અને પ્રાર્થના કરી. દર્શન દરમિયાન મંદિરના મહંત પંડિત કૈલાશ શર્માએ તેમને ખેસ ઓઢાડીને તેમનું સન્માન કર્યું હતું. માલવીયા નગરના ધારાસભ્ય કાલીચરણ સરાફ અને સાંસદ રામચરણ બોહરાની હાજરીએ મોતીડુંગરી ગણેશ મંદિરની મુલાકાતનું મહત્વ વધાર્યું.
