કાર્તિક આર્યનની મોસ્ટ અવેટેડ ફિલ્મ ‘ભૂલ ભુલૈયા 3’નું ટીઝર રિલીઝ થઈ ગયું છે. ટીઝરમાં મંજુલિકાનું પાત્ર ભજવતી વિદ્યા બાલન અને રૂહ બાબાનું પાત્ર ભજવનાર કાર્તિક આર્યનની ઝલક જોઈ શકાય છે. જ્યારે મેકર્સે માધુરી દીક્ષિત અને તૃપ્તિ ડિમરીના લૂકને રીવીલ કર્યો નથી. સોશિયલ મીડિયા પર ટીઝર શેર કરીને કાર્તિકે લખ્યું, ‘શું લાગ્યું કે વાર્તા પૂરી થઈ ગઈ છે? રૂહ બાબા vs મંજુલિકા… આ દિવાળી.’ ચાલો જાણીએ કે લોકોને રૂહ બાબા અને મંજુલિકા વચ્ચેની આ લડાઈની પહેલી ઝલક કેવી લાગી.
શું કહે છે લોકો
‘ભૂલ ભુલૈયા 3’નું ટીઝર લોકોને પસંદ આવી રહ્યું છે. સોશિયલ મીડિયા પ્લેટફોર્મ પર એક યુઝરે લખ્યું, ‘ભુલ ભુલૈયા 3માં વિદ્યા બાલને અદભૂત અભિનય કર્યો છે. ટીઝરમાં એક નાનકડો સીન બતાવવામાં આવ્યો છે, પરંતુ તે રસપ્રદ છે. અમારી અસલ મંજુલિકા પાછી આવી ગઈ છે.’ બીજાએ લખ્યું, ‘આ માત્ર ટીઝર છે, ફિલ્મ હજુ બાકી છે. મજા આવી ગઈ.’
ભુલ ભુલૈયા 3નું નિર્દેશન અનીસ બઝમી દ્વારા કરવામાં આવ્યું છે. આ ફિલ્મમાં કાર્તિક આર્યન, વિદ્યા બાલન અને તૃપ્તિ ડિમરી મુખ્ય ભૂમિકામાં જોવા મળશે. આ વખતે તૃપ્તિ ડિમરી કાર્તિકની લેડી લવના રોલમાં છે.
ટીઝરની શરૂઆત વિદ્યા બાલનના અવાજથી થાય છે જે પોતાનું સિંહાસન પાછું લેવા આવી છે. આ પછી, કાર્તિક આર્યનનો અવાજ આવે છે અને તે કહે છે – શું લાગ્યું કે વાર્તા પૂરી થઈ ગઈ છે, દરવાજા બંધ જ એના માટે થાય છે કે એક દિવસ ફરી ખુલી શકે. આ પછી ભુલ ભુલૈયાનું ટાઈટલ મ્યુઝિક આવે છે. એ પછી ડરનો ખરો ખેલ શરૂ થાય છે.
