નાણાં, શહેરી વિકાસ અને શહેરી ગૃહ નિર્માણ મંત્રી કનુભાઈ દેસાઈના હસ્તે અને પ્રભારી મંત્રી રમણભાઈ સોંલકી, મહેસૂલ અને પંચાયત રાજ્યમંત્રી સંજયસિંહ મહિડા, રાજ્યમંત્રી શહેરી વિકાસ અને શહેરી ગૃહ નિર્માણ વિભાગ દર્શનાબેન વાઘેલાની વિશેષ ઉપસ્થિતિમાં આજે નડિયાદના યોગી ફાર્મ ખાતે નડિયાદ મહાનગરપાલિકા અને ખેડા જિલ્લાની નગરપાલિકાઓ માટે વિકાસ વર્ષ ૨૦૨૫ અંતર્ગત કુલ રૂ. ૧૪૬.૨૦ કરોડના વિવિધ વિકાસલક્ષી કામોનું લોકાર્પણ અને ખાતમુહૂર્ત કરવામાં આવ્યું હતું.
વિકાસને અગ્રિમતા આપતા મહાનગરપાલિકા વિસ્તારમાં આઇકોનિક રોડ, સ્ટ્રોમ વોટર ડ્રેઇન, ડ્રેનેજ લાઈન, ડ્રેનેજ પંપીંગ મશીનરીની કામગીરી, રાઈઝીંગ મેઇન, વર્કશોપ, એક્ઝિબિશન સેન્ટર, હોકર્સ ફૂડ ઝોન, વેજીટેબલ માર્કેટ, સીટી બસ સ્ટેશન, સ્ટ્રીટ લાઈટ, લેક ડેવલપમેન્ટ, ગાર્ડન ડેવલપમેન્ટ, આંગણવાડી અપગ્રેડેશન, ટોયલેટ બ્લોક અને વિવિધ રોડની કામગીરીના રૂ ૧૩૭.૦૫ કરોડના કામોનું ખાતમુહૂર્ત કરવામાં આવ્યું. તથા નડિયાદ મહાનગરપાલિકાના ડ્રેનેજ વિભાગ માટે કુલ રૂ. ૧.૪૯ કરોડની રકમના ૨ જેટીંગ મશીન અને ૧ ડી-સીલ્ટીંગ મશીનને લીલી ઝંડી આપી કાર્યાન્વિત કરવામાં આવ્યા હતા.
આ સાથે નગરપાલિકાઓના વિકાસને પણ ધ્યાનમાં લેતા ઠાસરા, કણજરી અને ડાકોર નગરપાલિકામાં સીસી રોડ, પેવર બ્લોક, કમ્પાઉન્ડ વોલ, સીસીટીવી રૂમ, સ્ટોર્મ વોટર ડ્રેનેજ, વે બ્રિજ, તળાવ બ્યુટીફિકેશન, ગટર લાઈન અને ડ્રેનેજ માટે પંપ સેટ બનાવવા કુલ રૂ. ૭.૬૬ કરોડના વિકાસકામોનું પણ ખાતમુહૂર્ત અને લોકાર્પણ કરવામાં આવ્યું હતું.
ધારાસભ્ય પંકજભાઈ દેસાઈએ નડિયાદ શહેરમાં વરસાદી સિઝનમાં પાણી ભરાવાની સમસ્યા અંગે ચિંતા વ્યક્ત કરી હતી. જેના સમાધાનના ભાગરૂપે શહેરના પૂર્વ થી પશ્ચિમ વિસ્તારને જોડતા ઓવરબ્રિજ માટેની માંગણી ધારાસભ્યએ કરી હતી. સાથે જ આવનારા દિવસોમાં પણ નડિયાદ મહાનગરપાલિકાને વિકાસ કામો માટે પર્યાપ્ત નાણાકીય જોગવાઈ ઉપલબ્ધ થશે એવો વિશ્વાસ વ્યક્ત કર્યો હતો.
રિપોર્ટર – યેશા શાહ (ખેડા)
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
