ભારતના 77મા પ્રજાસત્તાક પર્વ પહેલાં પંજાબ પોલીસે સમયસર કાર્યવાહી કરીને એક મોટા આતંકી ષડ્યંત્રને નિષ્ફળ બનાવ્યું છે, જેને સુરક્ષા એજન્સીઓ માટે મહત્વપૂર્ણ સફળતા માનવામાં આવી રહી છે. પંજાબ પોલીસના સ્ટેટ સ્પેશિયલ ઓપરેશન સેલ (SSOC)એ પ્રતિબંધિત આતંકી સંગઠન બબ્બર ખાલસા ઇન્ટરનેશનલ (BKI) સાથે જોડાયેલા બે અલગ-અલગ આતંકવાદી મોડ્યુલોનો પર્દાફાશ કરીને હોશિયારપુર જિલ્લામાંથી ચાર આતંકીઓની ધરપકડ કરી છે.
ધરપકડ કરાયેલા આરોપીઓમાં દિલજોત સિંઘ સૈની, હરમન ઉર્ફે હેરી, અજય ઉર્ફે મેહરા અને અર્શદીપ સિંઘ ઉર્ફે અર્શ કંડોલાનો સમાવેશ થાય છે. ગુપ્તચર માહિતીના આધારે હોશિયારપુર પોલીસ અને જલંધર કાઉન્ટર ઇન્ટેલિજન્સની સંયુક્ત ટીમે આ ચોક્કસ ઓપરેશનને અંજામ આપ્યો હતો. આતંકીઓ પાસેથી અઢી કિલોગ્રામ જેટલું ઘાતક RDX, એક IED, બે પિસ્તોલ અને જીવતા કારતૂસો જપ્ત કરવામાં આવ્યા છે.
Punjab | Hoshiarpur Police in a joint operation with Counter Intelligence, Jalandhar busted a terror module of the banned outfit Babbar Khalsa International (BKI) and recovered one IED (2.5 kg RDX) and two pistols along with cartridges from four operatives. The module was being… pic.twitter.com/uhuOrDjhqh
— ANI (@ANI) January 24, 2026
પ્રારંભિક તપાસમાં ખુલાસો થયો છે કે આ આતંકી મોડ્યુલ યુએસએમાં બેઠેલા BKI હેન્ડલર્સ દ્વારા સંચાલિત હતું અને જપ્ત કરાયેલા વિસ્ફોટકનો ઉપયોગ પ્રજાસત્તાક દિવસની ઉજવણી દરમિયાન ટાર્ગેટેડ આતંકી હુમલા માટે થવાનો હતો. પંજાબ પોલીસના ડીજીપીના જણાવ્યા મુજબ આ કાર્યવાહી પાકિસ્તાન સ્થિત ISI સમર્થિત આતંકી નેટવર્ક સામે મોટી સિદ્ધિ છે અને રાજ્યની આંતરિક સુરક્ષા માટે ગંભીર ખતરો ટાળવામાં આવ્યો છે.
આ મામલે ગઢશંકર પોલીસ સ્ટેશનમાં અનલોફુલ એક્ટિવિટીઝ (પ્રિવેન્શન) એક્ટ (UAPA) તથા એક્સપ્લોસિવ સબ્સ્ટન્સ એક્ટ હેઠળ FIR નોંધાઈ છે અને તપાસને વધુ વિસ્તૃત કરી ISI દ્વારા પ્રાયોજિત આતંકવાદી અને ગુનાહિત નેટવર્કના તમામ કડીઓ તોડવા માટે પોલીસ દ્વારા કડક કાર્યવાહી ચાલુ રાખવામાં આવી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
