અમદાવાદ શહેરમાં કાળઝાળ ગરમીની વચ્ચે પાણીજન્ય રોગચાળાના કેસોમાં ચિંતાજનક વધારો જોવા મળી રહ્યો છે. મે મહિનાની શરૂઆતમાં જ ઝાડા-ઊલટી, ટાઈફોડ અને કમળાના કેસોમાં વધારો નોંધાતા અમદાવાદ મ્યુનિસિપલ કોર્પોરેશન (AMC)નું આરોગ્ય વિભાગ સતર્ક બન્યું છે.
આરોગ્ય અધિકારી ડો. ભાવિન સોલંકીના જણાવ્યા અનુસાર, શહેરમાં રોગચાળો ફેલાતો અટકાવવા માટે તંત્ર દ્વારા સઘન કાર્યવાહી હાથ ધરવામાં આવી છે.
કેસોમાં ચોંકાવનારો વધારો
માત્ર મે મહિનામાં જ નોંધાયેલા કેસ:
- ઝાડા-ઊલટી: 217 કેસ
- ટાઈફોડ: 41 કેસ
- કમળા: 10 કેસ
ચાલુ વર્ષ દરમિયાન અત્યાર સુધીમાં 76 પાણીના સેમ્પલ અનફિટ જાહેર થયા છે, જેમાંથી મે મહિનામાં જ 9 સ્થળોના સેમ્પલ ફેલ થયા છે.
AMCની કડક કાર્યવાહી
શહેરમાં આરોગ્ય વિભાગ દ્વારા વિવિધ સ્થળોએ તપાસ હાથ ધરવામાં આવી છે:
- 31 સ્થળોએ રૂટીન ચેકિંગ
- 19 બરફ ફેક્ટરીઓમાં ગુણવત્તા ચકાસણી
- 2 પાણી સપ્લાય યુનિટ સીલ
- 200 પાણીના જગ યુનિટમાં રોજ ક્લોરિન ચેકિંગ
આ ઉપરાંત, ગરમીમાં વધુ વપરાતા શેરડીનો રસ, બરફના ગોળા અને પીવાના પાણીના સ્ત્રોતોની પણ ખાસ તપાસ કરવામાં આવી રહી છે.
નાગરિકોને સલાહ
તંત્ર દ્વારા લોકોને નીચેની સાવચેતી રાખવાની અપીલ કરવામાં આવી છે:
- ઉકાળેલું અથવા શુદ્ધ પાણી જ પીવું
- રસ્તા પર મળતા અશુદ્ધ ખાદ્યપદાર્થોથી દૂર રહેવું
- સ્વચ્છતા જાળવવી
- કોઈ લક્ષણ દેખાય તો તાત્કાલિક ડોક્ટરની સલાહ લેવી
અમારી યુટ્યુબ ચેનલને લાઈક કરો, શેર કરો અને સબસ્ક્રાઈબ કરો
Like, Share and Subscribe our YouTube channel
