ભાવનગર જિલ્લા ભાજપ દ્વારા મહાનુભાવોની ઉપસ્થિતિમાં હણોલમાં સ્થાનિક સ્વરાજય ચૂંટણીઓમાં ભાજપના વિજેતા જનપ્રતિનિધિઓનો અભિવાદન સમારોહ યોજાઈ ગયો.
તાજેતરમાં યોજાયેલ સ્થાનિક સ્વરાજય ચૂંટણીઓમાં ભાજપના વિજેતા જનપ્રતિનિધિઓનું સન્માન અભિવાદન ભાવનગર જિલ્લા ભાજપ અધ્યક્ષ દિગ્વિજયસિંહ ગોહિલના નેતૃત્વ આયોજન સાથે કેન્દ્રીય મંત્રી મનસુખભાઈ માંડવિયા, ભાજપ સંગઠન મહામંત્રી રત્નાકરજી અને કેન્દ્રીય મંત્રી નિમુબેન બાંભણિયાની મુખ્ય ઉપસ્થિતિમાં કરવામાં આવ્યું.
પાલિતાણા પાસેનાં હણોલમાં ભાવનગર જિલ્લા ભાજપ દ્વારા મહાનુભાવોની ઉપસ્થિતિમાં સ્થાનિક સ્વરાજય ચૂંટણીઓમાં ભાજપના વિજેતા જનપ્રતિનિધિઓનો અભિવાદન સમારોહ યોજાઈ ગયો.
આ પ્રસંગે રાજ્ય સરકારના મંત્રી કૌશિકભાઈ વેકરિયા, ભાજપ જિલ્લા પ્રભારી હર્ષદગિરિ ગોસ્વામી, ભાવનગર જિલ્લા પંચાયત પ્રમુખ અશોકભાઈ લાધવા, ધારાસભ્યો ભિખાભાઈ બારૈયા, ગૌતમભાઈ ચૌહાણ તથા શિવાભાઈ ગોહિલની પ્રેરક ઉપસ્થિતિ રહી.
ભાવનગર જિલ્લા ભાજપ દ્વારા મહાનુભાવોની ઉપસ્થિતિમાં આ ઉપક્રમ યોજાયો, જેમાં જિલ્લાભરના હોદ્દેદારો અને વિજેતા સભ્યો જોડાયાં હતાં, જેઓનું અગ્રણીઓએ ભાવ અભિવાદન કર્યું હતું અને અગ્રણીઓએ સૌને સ્થાનિક કક્ષાએથી રાષ્ટ્ર સુધી સૌનો સાથ સૌનો વિકાસ ધ્યેય ખ્યાલમાં રાખી સેવા, સમર્પણ અને સુશાસનનો સંકલ્પ વ્યક્ત કર્યો હતો.
હણોલમાં ઉત્સાહભેર આ ઉપક્રમ યોજાયો જેમાં જિલ્લાભરના અગ્રણીઓ હોદ્દેદારો દ્વારા એકબીજાને શુભકામનાઓ પાઠવવામાં આવી હતી.
મૂકેશ પંડિત (ભાવનગર)
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
