બિહારમાં ચાલી રહેલા વિશેષ ગહન પુનરીક્ષણ (SIR) પ્રક્રિયા દરમિયાન આધાર કાર્ડને હવે મતદાર યાદીમાં નામ ઉમેરવા માટે માન્ય પુરાવા તરીકે સ્વીકારવામાં આવશે. સુપ્રીમ કોર્ટે ચૂંટણી આયોગને સ્પષ્ટ આદેશ આપ્યો છે કે આ નિર્ણયનો અમલ જમીન સ્તરે કરવો જરૂરી છે. અત્યાર સુધી મતદાર યાદીમાં નામ નોંધાવવા માટે કુલ 11 પ્રકારના દસ્તાવેજોને માન્યતા આપવામાં આવતી હતી, પરંતુ હવે તેમાં આધાર કાર્ડને પણ સામેલ કરવામાં આવ્યો છે, જેથી તે 12મો માન્ય દસ્તાવેજ બન્યો છે. આ નિર્ણયથી ખાસ કરીને એવા લાખો લોકોને સીધી રાહત મળશે, જેમણે અત્યાર સુધી પોતાના જૂના દસ્તાવેજોની ગેરહાજરીને કારણે મતદાર યાદીમાં નામ જોડાવામાં મુશ્કેલી અનુભવી હતી.
લાઈવ લૉના રિપોર્ટ અનુસાર, સુપ્રીમ કોર્ટે સ્પષ્ટ કર્યું કે ચૂંટણી આયોગના અધિકારીઓને આધાર કાર્ડની સત્યતા અને પ્રામાણિકતાની તપાસ કરવાનો અધિકાર રહેશે. જો કે, કોર્ટે આ બાબત પણ સ્પષ્ટ કરી દીધી કે આધાર કાર્ડને નાગરિકતાના પુરાવા તરીકે માન્ય નહીં માનવામાં આવે. એટલે કે, આધાર કાર્ડ ઓળખ અને સરનામાની પુષ્ટિ માટે માન્ય રહેશે, પરંતુ તે વ્યક્તિ ભારતીય નાગરિક છે કે નહીં, તેના પુરાવા તરીકે તેનો ઉપયોગ થઈ શકશે નહીં.
આ મહત્વપૂર્ણ નિર્ણય ચૂંટણી આયોગ દ્વારા દાખલ કરાયેલા અન્ડરટેકિંગ (undertaking) બાદ આવ્યો છે. આ અન્ડરટેકિંગમાં આયોગે જણાવ્યું હતું કે મતદાર યાદીમાં ઓળખ પુરવાર કરવા માટે આધાર કાર્ડને માન્ય ગણવામાં આવશે. સુપ્રીમ કોર્ટના આ આદેશ બાદ બિહારમાં મતદાર યાદી સુધારણી પ્રક્રિયા વધુ સરળ બનશે અને ઘણા નવા મતદારોને યાદીમાં સામેલ થવા માટે સહુલિયત મળશે. આ સાથે જ ચૂંટણી પ્રક્રિયામાં પારદર્શિતા અને વિશ્વસનીયતા જાળવવામાં પણ મદદ મળશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
