ટેરિફને લઈને ભારત અને અમેરિકા વચ્ચે થોડા સમયથી તણાવ જોવા મળી રહ્યો હતો, ખાસ કરીને વોશિંગ્ટન દ્વારા લાગુ કરાયેલા વધારાના આયાત શુલ્ક અને ભારત તરફથી તેના પ્રતિસાદરૂપ પગલાંને કારણે બંને દેશોના વેપાર સંબંધોમાં ગરમાવો આવ્યો હતો. જોકે, હવે અમેરિકી રાષ્ટ્રપતિ ડોનાલ્ડ ટ્રમ્પના તાજેતરના નિવેદનથી પરિસ્થિતિમાં નરમાઈ દેખાઈ રહી છે.
ટ્રમ્પે ભારતના વડા પ્રધાન નરેન્દ્ર મોદીને પોતાનો સારો મિત્ર ગણાવતા જણાવ્યું કે, “હું ભારતનો ખૂબ નજીક છું, હું ભારતના વડા પ્રધાનનો ખૂબ નજીક છું. મેં તાજેતરમાં જ તેમની સાથે વાત કરી હતી અને મેં તેમને જન્મદિવસની શુભેચ્છા પાઠવી હતી.” તેમણે આગળ ઉમેર્યું કે વોશિંગ્ટન અને નવી દિલ્હી વચ્ચેના સંબંધો ખૂબ જ સારા છે અને બંને દેશો પરસ્પર વિશ્વાસ અને મિત્રતાના આધારે આગળ વધી રહ્યા છે.
ટ્રમ્પે આંતરરાષ્ટ્રીય ઉર્જા અને વેપાર મુદ્દાઓ પર પણ પોતાના વિચારો રજૂ કર્યા. તેમણે યુરોપિયન દેશો રશિયા પાસેથી તેલ ખરીદે છે એ મુદ્દાને લઈને કટાક્ષ કર્યો અને કહ્યું કે, જ્યારે ચીન અમેરિકાને મોટા પ્રમાણમાં ટેરિફ ચૂકવી રહ્યું છે અને અમેરિકા તેના પર દબાણ બનાવી રહ્યું છે, ત્યારે યુરોપિયન દેશો રશિયા પાસેથી તેલ ખરીદે છે, જે પરિસ્થિતિને વધુ જટિલ બનાવે છે. ટ્રમ્પે સ્પષ્ટ કર્યું કે, તેઓ અમેરિકન હિતોની રક્ષા માટે વધારે પગલાં ભરવા તૈયાર છે, પરંતુ જો તેમના જ સહયોગી દેશો રશિયા પાસેથી તેલ ખરીદતા રહે, તો પરિસ્થિતિમાં અસંતુલન સર્જાઈ શકે છે.
ગૌરતલબ છે કે, બે દિવસ પહેલાં જ 17 સપ્ટેમ્બરે ટ્રમ્પે પીએમ મોદીને જન્મદિવસની શુભેચ્છાઓ પાઠવી હતી. તેના જવાબમાં પીએમ મોદીએ આભાર વ્યક્ત કર્યો હતો અને જણાવ્યું હતું કે ભારત-અમેરિકા ભાગીદારી વૈશ્વિક શાંતિ, સ્થિરતા અને સમૃદ્ધિ માટે મહત્વપૂર્ણ છે અને તેને વધુ મજબૂત બનાવવા ભારત પ્રતિબદ્ધ છે.
એકંદરે, આ સમગ્ર પરિસ્થિતિ દર્શાવે છે કે, વેપાર સંબંધોમાં વિવાદ અને ટેરિફના મુદ્દા હોવા છતાં, ભારત અને અમેરિકાના રાજકીય અને વ્યૂહાત્મક સંબંધો મજબૂત છે. ટ્રમ્પનું તાજેતરનું નરમ વલણ અને મોદીને આપેલી પ્રશંસા દ્વિપક્ષીય સંબંધોમાં વિશ્વાસ વધારવાનો સંકેત આપે છે, જે આગામી સમયમાં આર્થિક સહકાર અને વૈશ્વિક મુદ્દાઓ પર ભાગીદારીને વધુ પ્રગાઢ કરી શકે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
