રેલ્વે, સંચાર અને માહિતી પ્રૌદ્યોગિકી મંત્રી અશ્વિની વૈષ્ણવે મેન્યુફેક્ચરિંગ સેક્ટરને લઈને મોટી વાત કરી હતી વૈષ્ણવે કહ્યું હતુ કે મેન્યુફેક્ચરિંગ વૃદ્ધિની આગામી લહેર માટે તૈયારી કરી રહ્યું હોવાથી વિશ્વાસ અને સ્થિતિસ્થાપકતા એ બે મુખ્ય પરિબળો હશે.
વૈષ્ણવે અહીં વર્લ્ડ ઈકોનોમિક ફોરમની વાર્ષિક બેઠકમાં મેન્યુફેક્ચરિંગના મહત્વાકાંક્ષી લક્ષ્ય પર આયોજિત સત્રમાં આ વાત કહી. તેમણે કહ્યું કે સરકાર અને ખાનગી ક્ષેત્રે પ્રતિભાના મોરચે નજીકથી સહયોગ કરવાની જરૂર પડશે અને યોગ્ય કૌશલ્ય સમૂહ બનાવવાની સક્રિય રીતો પર વિચાર કરવામાં આવશે.
બુધવારે થયેલી આ ચર્ચામાં વૈષ્ણવે વૈશ્વિક મેન્યુફેક્ચરિંગ કંપનીઓના ટોચના અધિકારીઓ સાથે આ બેઠક કરી હતી. તેમણે માંગ-આયોજન અને આગાહી માટે નેનોમશીન્સ અને આર્ટિફિશિયલ ઈન્ટેલિજન્સ (AI) જેવી મહત્વની ટેકનોલોજીની પર પણ ચર્ચા કરી હતી
વિશ્વાસ અને સુગમતા મુખ્ય પરિબળો
મોટા પાયે મેન્યુફેક્ચરિંગ પ્રોજેક્ટ્સ કે જે વ્યાપાર અને ઉદ્યોગમાં પરિવર્તન લાવશે, અર્થતંત્રો અને સમાજોને અસર કરશે તેનો ઉલ્લેખ કરતા વૈષ્ણવે કહ્યું કે ઘણા અશક્ય લાગતા લક્ષ્યો છે પરંતુ વિશ્વાસ અને સ્થિતિસ્થાપકતા આના માટે મુખ્ય પરિબળો હશે.તેમણે કહ્યું કે તમામ તકનીકી પ્રગતિ કરવામાં આવી રહી છે. અને સ્વચ્છ ઊર્જાને પ્રોત્સાહન આપવા માટે પણ ઘણું કામ ચાલી રહ્યું છે.
For growth in manufacturing, the value of ‘trust’ and ‘flexibility’ in processes are key.#WEF2024 pic.twitter.com/UDAkw0khag
— Ashwini Vaishnaw (@AshwiniVaishnaw) January 17, 2024
વિશ્વાસનું મૂલ્ય પણ ખૂબ જ મહત્વપૂર્ણ
વૈષ્ણવે કહ્યું, ‘આની સાથે વિશ્વાસનું મૂલ્ય પણ ખૂબ જ મહત્વપૂર્ણ છે. જો તમે ખાતરી કરો છો કે તમે કરારની પ્રતિબદ્ધતાઓને પૂર્ણ કરી રહ્યાં છો, તો આ પણ વિશ્વાસ છે. સ્વચ્છ ઉર્જાનો ઉપયોગ સુનિશ્ચિત કરવાનો પણ વિશ્વાસ છે. લવચીકતા પણ એક મહત્વપૂર્ણ પરિબળ છે.
તેમણે કહ્યું કે ભારત સરકાર સ્વચ્છ ઉર્જા પર ઘણું ધ્યાન આપી રહી છે. સરકારના દૃષ્ટિકોણથી એ મહત્વનું રહેશે કે સ્વચ્છ ઊર્જાનો ઉપયોગ ઉત્પાદનમાં થાય. આ સિવાય ઝડપથી બદલાતી ટેક્નોલોજીના યુગમાં સરકારે ઈનોવેશન પર ભાર મૂકવો પડશે.
વર્લ્ડ ઈકોનોમિક ફોરમમાં અશ્વિની વૈષ્ણવ
વર્લ્ડ ઈકોનોમિક ફોરમ (WEF)ના ‘બેટલ ઓફ ચિપ’ સત્રમાં કેન્દ્રીય આઈટી મંત્રી અશ્વિની વૈષ્ણવે કહ્યું કે ભારતની વિદેશ અને આર્થિક નીતિ એકદમ સ્પષ્ટ છે. આ સત્રમાં તેમને પશ્ચિમી દેશો દ્વારા ચીન અને ભારત વચ્ચે યોગ્ય પસંદગી પર સવાલ કરવામાં આવ્યા હતા.
