આ વર્ષે સુપરસ્ટાર શાહરુખની પઠાન અને જવાન ફિલ્મે બોક્સ ઓફિસ પર ધમાલ મચાવી દીધી છે. જો કે શાહરુખની હવે ડંકી મુવી પણ આ લિસ્ટમાં શામેલ થઇ શકે છે. શાહરુખની ત્રીજી દમદાર ફિલ્મ ડંકી રિલીઝ થવાની તૈયારીમાં છે.
સુપરસ્ટાર શાહરૂખ ખાનની મચઅવેટેડ ફિલ્મ ‘ડંકી’ની રિલીઝની ચાહકો આતુરતાથી રાહ જોઈ રહ્યા છે. આ ફિલ્મનું એડવાન્સ બુકિંગ પણ શરૂ થઈ ગયું છે. આ ફિલ્મને લઇને એક અપડેટ સામે આવ્યુ છે. ફિલ્મને સેન્ટ્રલ બોર્ડ ઓફ ફિલ્મ સર્ટિફિકેશન દ્વારા પાસ કરવામાં આવી છે.
ટ્રેડ એનાલિસ્ટ ગિરીશ જોહરના જણાવ્યા અનુસાર, શાહરૂખ ખાનની ‘ડંકી’ સેન્ટ્રલ બોર્ડ ઓફ ફિલ્મ સર્ટિફિકેશન તરફથી U/A સર્ટિફિકેટ સાથે પાસ થઈ ગઇ છે.
આ સાથે જ ફિલ્મનો રનટાઈમ પણ જાહેર કરવામાં આવ્યો છે. ‘ડંકી’નો રનટાઈમ 2 કલાક 41 મિનિટનો રહેશે.
પ્રભાસની ‘સાલાર’ સાથે ટક્કર કરશે ‘ડંકી’
રસપ્રદ વાત એ છે કે, સાઉથના સુપરસ્ટાર પ્રભાસની ‘સાલાર’ની ટક્કર શાહરૂખ ખાનની ફિલ્મ ‘ડંકી’ સાથે થશે. બંને ફિલ્મો 21 ડિસેમ્બર, 2023ના રોજ સિનેમાઘરોમાં એક સાથે રિલીઝ થઈ રહી છે. જોવાનું એ રહેશે કે કઈ ફિલ્મ બોક્સ ઓફિસ પર સફળ સાબિત થાય છે.
રાજકુમાર હિરાની સાથે શાહરૂખ ખાનની પહેલી ફિલ્મ
Nikle the kabhi hum ghar se…
bass 5 dinon mein cinemas pahoch jayenge!
Aap bhi apno ko lekar gharse nikal jaana.
21 ko milkar humari picture dekhne aana.
5 Days to go for #Dunki pic.twitter.com/VvM4UV4SuB
— Shah Rukh Khan (@iamsrk) December 16, 2023
શાહરૂખ ખાનની ફિલ્મ ‘ડંકી’નું નિર્દેશન રાજકુમાર હિરાનીએ કર્યું છે. આ બંનેની એકસાથે પહેલી ફિલ્મ છે. જો કે, આ પહેલા રાજુકમારે તેની ઘણી ફિલ્મો માટે શાહરૂખ ખાનનો સંપર્ક કર્યો હતો, પરંતુ વાત આગળ વધી ન હતી. ફિલ્મની સ્ટાર કાસ્ટની વાત કરીએ તો, ડંકીમાં વિકી કૌશલ અને તાપસી પન્નુ પણ મહત્વની ભૂમિકામાં જોવા મળશે. બોમન ઈરાની, વિક્રમ કોચર અને અનિલ ગ્રોવર પણ ફિલ્મનો એક ભાગ છે.
