નડીયાદ મહાનગરપાલિકા કમિશનરે સફાઈકર્મીઓના પગાર મુદ્દે ચર્ચા કરી

ખેડા જિલ્લાના નડિયાદને મહાનગરપાલિકા જાહેર કરવામાં આવ્યા બાદ સફાઈકર્મીઓની પગાર વધારાની માંગ ઉઠવા પામી હતી. જે સંદર્ભે આજરોજ નડિયાદ મહાનગરપાલિકા કમિશનર જી.એચ.સોલંકી એ ચર્ચા કરી માહિતી આપી હતી.

નડિયાદમાં સફાઈકર્મીઓની માંગને ધ્યાને લઇ મનપા કમિશનરે જણાવ્યું હતું કે, ઘણા સમયથી કર્મીઓને કાયમી કરવાની માગણીઓ છે તે રાજ્ય સરકારને માંગ પહોચતી કરેલ છે બીજી તરફ અગાઉ સફાઈકર્મીઓને ૮ થી ૯ હજાર પગાર મળતો હતો જે વધારી ૧૨ થી ૧૫ કરવામાં આવેલ છે અને વધુ તેઓની જે માંગણીઓ છે તે અંગે પણ વિચારણા કરવામાં આવશે.