હવે તત્કાલ ટિકિટ બુકિંગમાં થતી છેતરપિંડી પર લાગશે રોક, ભારતીય રેલવેનો મોટો નિર્ણય

ભારતીય રેલવે મંત્રાલયે તત્કાલ ટિકિટ બુક કરાવવા અંગે મોટો ફેરફાર કર્યો છે. હવે તત્કાલ ટિકિટ બુક કરાવતી વખતે યુઝરે પોતાનું વેરિફિકેશન કરાવવું પડશે. વેરિફિકેશન વગર તત્કાલ ટિકિટ બુક કરાવી શકાશે નહીં. આ અંગે રેલવે મંત્રી અશ્વિની વૈષ્ણવે પોતાના સોશિયલ મીડિયા પ્લેટફોર્મ X પર પોસ્ટ કરીને માહિતી આપી છે. હવે મુસાફરોએ તત્કાલ ટિકિટ બુક કરાવતી વખતે ઈ-આધાર ઓથેંટિકેશન કરવું પડશે

I have pointed this out many time
Although I haven't travelled by Rail for years
I have tried to book for my staff several times
& Failed exactly like this 90% of the time unless it's AC Tatkal where you still might get@PMOIndia @AshwiniVaishnaw https://t.co/LYapGqkZNH

— sandip sabharwal (@sandipsabharwal) June 3, 2025

શું છે e-Aadhaar ઓથેંટિકેશન?

રેલવે મંત્રી અશ્વિની વૈષ્ણવે હાલમાં જ કહ્યું હતું કે, ‘ટૂંક સમયમાં તત્કાલ ટિકિટ બુક કરતી વખતે ઈ-આધાર ઓથેંટિકેશન જરૂરી બનશે. આ એક પ્રકારનું વેરિફિકેશન હશે, જે ટિકિટ બુક કરાવનાર વ્યક્તિના આધાર કાર્ડ દ્વારા કરવામાં આવશે. એજન્ટો દ્વારા ગેરકાયદેસર ટિકિટ બુકિંગ અટકાવવાના ઉદ્દેશ્યથી આ લાવવામાં આવ્યું છે’. ઉલ્લેખનીય છે કે, ઘણીવાર તત્કાલ ટિકિટ બુક કરતી વખતે થોડીવારમાં જ IRCTC વેબસાઇટ પરથી સોલ્ડ આઉટ થઈ જતી હતી. એજન્ટો દ્વારા ગેરકાયદેસર ટિકિટ બુકિંગને કારણે આવું થતું હતું. જો કે હવે સરકારે આના પર કડક કાર્યવાહી કરી છે.

કેવી હશે નવી પદ્ધતિ?

આ નવી પદ્ધતિ લાગુ થયા પછી, દરેક મુસાફરને પોતાની ઓળખ ડિજિટલ રીતે ચકાસવી પડશે. આ માટે, આધાર કાર્ડનો ઉપયોગ કરવો પડશે. ત્યારબાદ યુઝરને એક OTP મળશે જેના વગર તત્કાલ ટિકિટ બુક થશે નહીં. આનાથી બોટ્સ દ્વારા ખોટી અને નકલી બુકિંગ ટિકિટ ખરીદવાની ઘટનાઓ અટકશે. આ નવી સિસ્ટમની ખાસ વાત એ હશે કે પ્રથમ 10 મિનિટ માટે, ફક્ત તે મુસાફરો જ તત્કાલ ટિકિટ બુક કરી શકશે જેમનું IRCTC એકાઉન્ટ આધાર સાથે લિંક થયેલ છે. આ 10 મિનિટ દરમિયાન, IRCTC એજન્ટોને બુકિંગ કરવાની મંજૂરી આપવામાં આવશે નહીં. સરકારના આ પગલાથી સામાન્ય માણસને મોટી રાહત મળશે.

IRCTC સાથે આધાર કેવી રીતે લિંક કરવું