અમદાવાદ શહેરમાં બુલેટ ટ્રેન પ્રોજેક્ટના તત્કાલિક અમલને ધ્યાને લેતા શાહીબાગ વિસ્તારમાં ટ્રાફિક માટે મહત્વના આચાર્યશ્રી મહાપ્રજ્ઞજી રેલવે ઓવર બ્રિજને 31મી જુલાઈથી પહેલી સપ્ટેમ્બર સુધી બંધ રાખવાનો નિર્ણય લેવામાં આવ્યો છે. આ બ્રિજ નમસ્તે સર્કલ અને રાજસ્થાન હોસ્પિટલને જોડતો મહત્વપૂર્ણ માર્ગ છે. હાલ અહીં બુલેટ ટ્રેન માટે પિલર સ્થાપિત થયા બાદ ઉપરના સેગમેન્ટ મૂકોની કામગીરી શરૂ કરવામાં આવી છે, જેથી કામગીરીની સલામતી અને ઝડપને જાળવી રાખવા આ પગલાં લેવામાં આવ્યું છે.
નમસ્તે સર્કલ થી રાજસ્થાન હોસ્પિટલ સુધીનો ‘આચાર્યશ્રી મહાપ્રજ્ઞજી રેલ્વે ઓવર બ્રિજ’ ના બંને છેડા તરફના વાહનોની અવરજવર તારીખ ૩૧/૦૭/૨૫ થી ૦૧/૦૯/૨૫ સુધી બંધ રહેશે.#ahmedabadtrafficpolice #ahmedabadpolice #gujaratpolice #trafficnotification @GujaratPolice @SafinHasan_IPS pic.twitter.com/nEXS5A0bFW
— AHMEDABAD TRAFFIC POLICE (@PoliceAhmedabad) July 31, 2025
ટ્રાફિક માટે વિકલ્પ આપતો રૂટ પ્લાન:
ટુ-વ્હીલર, થ્રી-વ્હીલર અને ફોર-વ્હીલર માટે:
- શાહીબાગ ઘેવર સર્કલ તથા રાજસ્થાન હોસ્પિટલ તરફથી નમસ્તે સર્કલ જવા ઈચ્છતા વાહનચાલકો માટે બ્રિજની બાજુના રસ્તાથી પસાર થઈને શનિદેવ મંદિર માર્ગે શાહીબાગ અંડરપાસ થઈ નમસ્તે સર્કલ તરફ જવાની વ્યવસ્થા કરવામાં આવી છે.
- જ્યારે નમસ્તે સર્કલથી ઘેવર સર્કલ અથવા રાજસ્થાન હોસ્પિટલ જવાના ઇચ્છુકો માટે જુની પોલીસ કમિશનરની કચેરીની સામેના માર્ગથી શાહીબાગ અંડરપાસ પસાર કરીને સરદાર પટેલ સ્મારક સુધી પહોંચીને ત્યાંથી જમણી બાજુ યૂ-ટર્ન લઇ, બ્રિજની બાજુના રસ્તા મારફતે રાજસ્થાન હોસ્પિટલ અથવા ઘેવર સર્કલ પહોંચવા સૂચવાયું છે.
ભારે વાહનો માટે:
- રાજસ્થાન હોસ્પિટલથી નમસ્તે સર્કલ તરફ જવા માટેના ભારી વાહનોને આચાર્યશ્રી મહાપ્રજ્ઞજી રેલવે ઓવર બ્રિજની બાજુના રસ્તેથી પસાર થઈ બ્રિજ નીચેના ચાર રસ્તા સુધી જવા જણાવાયું છે.
- ત્યાંથી શ્રી મહાકાળી મંદિર સર્કલ તરફ જમણે વળી, બાબુ જગજીવન રામ રેલવે ઓવર બ્રિજ પસાર કરીને ઈદગાહ સર્કલ જવાનો માર્ગ અપનાવવો પડશે.
- અંતે ઈદગાહ સર્કલથી જમણે વળી દરીયાપુર સર્કલ અને ત્યાંથી દિલ્હી દરવાજા થઈ નમસ્તે સર્કલ સુધી પહોંચવા ટ્રાફિક પોલીસ દ્વારા માર્ગદર્શન આપવામાં આવ્યું છે.
આ સમયગાળામાં માર્ગ બંધ રહેશે ત્યારે ટ્રાફિકના પ્રવાહમાં ફેરફારથી શહેરના વાહનચાલકોને અશક્તિ ન પડે, તે માટે શહેર ટ્રાફિક પોલીસ દ્વારા નિયંત્રિત અને માર્ગદર્શિત વ્યવસ્થાઓ ઊભી કરાઈ છે. લોકોથી અનુરોધ છે કે, તેઓ આ સમયગાળામાં નિર્ધારિત વિકલ્પિક માર્ગોનો ઉપયોગ કરે અને શક્ય હોય તો ટ્રાફિક ટાળવા માટે સમયસર પ્લાનિંગ કરે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
🔗 https://www.youtube.com/@oneindianewscom-Gujarat
🔗 https://www.youtube.com/@oneindianewscom
