ઓડિશાના કટકમાં દુર્ગા પૂજા વિસર્જન દરમિયાન થયેલી હિંસક ઘટનાઓ બાદ હવે પરિસ્થિતિ ધીમે ધીમે સામાન્ય બની રહી છે. શુક્રવારની રાત્રે શરૂ થયેલા તણાવને નિયંત્રણમાં લેવા માટે પ્રશાસન અને પોલીસે ભારે જહેમત ઉઠાવી હતી. સોમવાર (6 ઑક્ટોબર) રાત્રે કટક ડિવિઝનના રેવન્યુ ડિવિઝનલ કમિશનર (RDC) ગુહા પૂનમ તપસ કુમારે પરિસ્થિતિની સમીક્ષા બેઠક યોજી હતી, જેમાં પોલીસ અને જિલ્લા વહીવટીતંત્રના વરિષ્ઠ અધિકારીઓ હાજર રહ્યા હતા. RDCએ સ્પષ્ટ જણાવ્યું હતું કે કાયદો તોડનાર કોઈપણ વ્યક્તિને છોડવામાં આવશે નહીં અને કડક પગલાં લેવામાં આવશે. તેમણે ઉમેર્યું કે પ્રશાસન કાયદો અને વ્યવસ્થા જાળવવા માટે પ્રતિબદ્ધ છે અને સામાજિક શાંતિ સાથે કોઈ સમજૂતી નહીં થાય.
પોલીસે અત્યાર સુધીમાં 8 ઇસ્લામી કટ્ટરપંથીઓની ધરપકડ કરી છે, જ્યારે અન્ય આરોપીઓની ઓળખ માટે તપાસ ચાલુ છે. પોલીસે સીસીટીવી ફૂટેજ, ડ્રોન વિડીયો અને અન્ય ડિજિટલ પુરાવાઓના આધારે હિંસામાં સામેલ લોકોની ઓળખ કરી રહી છે. ઘણા શંકાસ્પદ લોકોની પૂછપરછ ચાલી રહી છે અને વધુ ધરપકડો થવાની સંભાવના છે. કટક અને આસપાસના વિસ્તારોમાં સુરક્ષા દળોને સતત પેટ્રોલિંગ માટે તૈનાત રાખવામાં આવ્યા છે, ખાસ કરીને તે વિસ્તારોમાં જ્યાં અગાઉ હિંસાના કિસ્સાઓ થયા હતા.
પ્રશાસને સાવચેતીરૂપે ઈન્ટરનેટ સેવાઓને 24 કલાક માટે સ્થગિત રાખવાનો નિર્ણય કર્યો છે, જેથી અફવા અને ખોટી માહિતીના પ્રસારને રોકી શકાય. શહેરમાં લાગુ કરાયેલ કર્ફ્યુ મંગળવાર (7 ઑક્ટોબર) સવારે 10 વાગ્યા સુધી અમલમાં રહ્યો, પરંતુ ત્યાર બાદ પરિસ્થિતિ સુધરતા હળવાશ આપવામાં આવી. એડિશનલ પોલીસ કમિશનર નરસિંહ ભોલા અને જિલ્લા મેજિસ્ટ્રેટ દત્તાત્રેય ભાઉસાહેબ શિંદે પણ RDCની સાથે મેદાનમાં ઉતરી પરિસ્થિતિની સમીક્ષા કરી હતી.
ભુવનેશ્વર-કટક પોલીસ કમિશનર એસ. દેવ દત્તા સિંઘે માહિતી આપી હતી કે વિસર્જન યાત્રા દરમિયાન કેટલાક શરારતી તત્વોએ પોલીસ પર પથ્થરમારો કર્યો હતો, જેના કારણે તણાવ ફેલાયો અને કર્ફ્યુ લાદવાની ફરજ પડી. તેમણે જણાવ્યું કે ત્યારબાદથી કોઈ નવી અનિચ્છનીય ઘટના બની નથી. હાલ પોલીસ પેટ્રોલિંગ ચાલુ છે અને તમામ સંવેદનશીલ વિસ્તારોમાં વિશેષ દળો તૈનાત છે.
આ હિંસામાં આઠ પોલીસકર્મીઓ સહિત કુલ 25 લોકો ઘાયલ થયા હતા, જેમાંથી ઘણા લોકોને સારવાર માટે કટક મેડિકલ કોલેજ અને હોસ્પિટલ (SCB Medical College & Hospital)માં દાખલ કરવામાં આવ્યા છે. આરોગ્ય વિભાગના અધિકારીઓ અનુસાર, મોટાભાગના ઘાયલ લોકો હાલ જોખમથી બહાર છે.
RDC ગુહા પૂનમે લોકોમાં શાંતિ અને સહકાર જાળવવાની અપીલ કરી છે. તેમણે કહ્યું કે પ્રશાસનનો મુખ્ય ઉદ્દેશ શાંતિપૂર્ણ વાતાવરણ પુનઃસ્થાપિત કરવાનો છે અને કોઈપણ સમુદાય કે વ્યક્તિ કાયદો પોતાના હાથમાં નહીં લે તે સુનિશ્ચિત કરવામાં આવશે. કટક શહેરના અનેક વિસ્તારોમાં હવે સ્થિતિ નિયંત્રણમાં છે, દુકાનો અને બજારો ધીમે ધીમે ખુલવા લાગ્યા છે, અને સામાન્ય જનજીવન સામાન્ય ધોરણે પાછું ફરતું જોવા મળી રહ્યું છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
