ખેડા જિલ્લા સહકારી ખરીદ વેચાણ સંઘ,નડિયાદની ૮૨ મી વાર્ષિક સાધારણ સભા યોજવામાં આવી. આ સભામાં પ્રમુખ તરીકે પીપળાવ ગામ વિકાસ મંડળી તથા કેડીસીસી બેંકના ચેરમેન તેજસભાઇ પટેલની પ્રમુખ તરીકે વરણી કરી એજન્ડા મુજબની કાર્યવાહી હાથ ધરવામાં આવી, જે હાજર સભાસદો દ્વારા સર્વાનુમતે મંજૂર કરવામાં આવી હતી.
આ સાધારણ સભામાં ખેડા જિલ્લા સહકારી સંઘના ચેરમેન જયેશભાઈ પટેલ, ગુજકોમાસોલના ડિરેક્ટર મહેશભાઈ પટેલ,ખેડા જિલ્લા સહકારી ખરીદ વેચાણ સંઘ, નડિયાદના ચેરમેન જયરામભાઈ દેસાઈ,વાઇસ ચેરમેન રોનકભાઈ પટેલ, વારસોલા સેવા મંડળીના ચેરમેન ગૌતમભાઈ ચૌહાણ કેડીસીસી બેંકના ડિરેક્ટર નીલેશભાઈ પટેલ,રણજીતસિંહ સોલંકી, નરોત્તમભાઈ પટેલ,ભરતભાઈ પટેલ, કેસરીસિંહ સોલંકી, જિલ્લાની સહકારી સંસ્થાઓના પ્રતિનધિઓ તથા જિલ્લાના સહકારી આગેવાનો મોટી સંખ્યામાં ઉપસ્થિત રહ્યા હતા.
