Skip to content
સોમવાર, નવેમ્બર 23, 2026 Ahmedabad 22°C

ઉમરેઠના 17 મ્યુલ અકાઉન્ટ મારફતે ₹3.38 કરોડની સાયબર ઠગાઈનો પર્દાફાશ

ઉમરેઠના 17 મ્યુલ અકાઉન્ટ મારફતે ₹3.38 કરોડની સાયબર ઠગાઈનો પર્દાફાશ

રાજ્ય ગૃહ વિભાગની રાજ્યવ્યાપી કાર્યવાહી “ઓપરેશન મ્યુલ હંટ” અંતર્ગત આણંદ જિલ્લા સાયબર ક્રાઇમ પોલીસ સ્ટેશને ઉમરેઠ અર્બન કોઓપરેટિવ બેંક લિમિટેડમાં ખોલવામાં આવેલા 17 મ્યુલ અકાઉન્ટ મારફતે થયેલી ₹3 કરોડ 38 લાખ 27 હજાર 790 રૂપિયાની સાયબર ઠગાઈનો ભેદ ઉકેલ્યો છે. આ કેસમાં કુલ પાંચ આરોપીઓની સંડોવણી બહાર આવી છે, જેમાંથી ત્રણને પોલીસે ઝડપી લીધા છે જ્યારે બે આરોપીઓ દુબઈ ફરાર હોવાનું સામે આવ્યું છે.

પોલીસ તપાસમાં ખુલાસો થયો છે કે આ મ્યુલ અકાઉન્ટ મારફતે વિવિધ સાયબર ફ્રોડમાંથી મેળવાયેલા નાણા એકત્રિત કરીને આંગડિયા મારફતે યુએસડીટી (ક્રિપ્ટો કરન્સી)માં રૂપાંતર કરી દુબઈ મોકલવામાં આવતા હતા. આ સમગ્ર પ્રવૃત્તિને પોલીસે આયોજિત આંતરરાષ્ટ્રીય નાણાકીય ગેરરીતિ તરીકે લઈ વધુ તપાસ શરૂ કરી છે.

આ કેસમાં ઝડપાયેલા આરોપીઓમાં ઋષિ અતુલકુમાર શાહ (ઉમરેઠ, જિ. આણંદ), હિરલકુમાર મિતુલભાઈ પટેલ (અંબામાતાનું ફળિયું, ઉમરેઠ) તથા ભારદ્વાજ યોગેશભાઈ ભીંડી (પાટળપોળ, ઉમરેઠ)નો સમાવેશ થાય છે. જ્યારે ગૌરવ ઠાકોરભાઈ શાહ અને કૃતાર્થ દિવ્યાંગકુમાર શાહ હાલ દુબઈ ખાતે ફરાર હોવાનું પોલીસ તપાસમાં સામે આવ્યું છે.

પોલીસ મુજબ, ઉમરેઠ અર્બન કોઓપરેટિવ બેંકમાં આ અકાઉન્ટ સગા-સંબંધીઓ, ઓળખાણના લોકો અને મિત્ર વર્તુળના નામે ખોલવામાં આવ્યા હતા. સાયબર ક્રાઇમ પોલીસ ટીમે IFSC પોર્ટલ પરથી મળેલ ડેટા, ટેકનિકલ એનાલિસિસ, બેંક સ્ટેટમેન્ટ અને CDRના આધારે આ અકાઉન્ટોને ટાર્ગેટ કરી ઊંડાણપૂર્વક પૂછપરછ હાથ ધરી હતી, જેના પરિણામે સમગ્ર ટ્રાન્જેક્શન ચેઇન બહાર આવી છે.

પકડાયેલા આરોપીઓને કોર્ટમાં રજૂ કરી પોલીસ રીમાન્ડ માગવામાં આવશે. રીમાન્ડ દરમિયાન નાણાંનો અંતિમ ઉપયોગ, દુબઈમાં બેઠેલા મુખ્ય સૂત્રધારો તેમજ શક્ય આંતરરાષ્ટ્રીય સાયબર રેકેટ અંગે વધુ વિગતો બહાર લાવવાની દિશામાં તપાસ આગળ વધારવામાં આવશે.

પોલીસ અધિકારીઓએ જણાવ્યું કે “ઓપરેશન મ્યુલ હંટ”નો મુખ્ય હેતુ મ્યુલ અકાઉન્ટના માધ્યમથી ચાલતા સાયબર ગુનાહિત નેટવર્કને મૂળથી નાબૂદ કરવાનો છે અને આવી ટેકનિકલ ડ્રાઈવ આગળ પણ સતત ચાલુ રહેશે.

 

ભાવેશ સોની (આણંદ )

બાઈટ રિદ્ધિ ગુપ્તે (ડી વાય એસ પી હેડ કવાર્ટર આણંદ)

 

 

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

 

Filed under Anand Gujarat

Share this story

Latest News

View all
All latest news

Explore Districts

News from every corner of Gujarat.